ന്യൂഡല്ഹി : രാജ്യത്ത് കഴിഞ്ഞ 24 മണിക്കൂറിനിടെ 90,123 പേർക്ക് കൂടി കോവിഡ് സ്ഥിരീകരിച്ചു. ഇതോടെ ആകെ രോഗബാധിതരുടെ എണ്ണം 50,20,360 ആയി. ഒറ്റ ദിവസത്തിനിടെ 1,290 പേർ കൂടി മരിച്ചു. ആകെ മരണം 82,066. ആരോഗ്യമന്ത്രാലയത്തിന്റെ റിപ്പോർട്ട് അനുസരിച്ച് നിലവിൽ 9,95,933 പേർ ചികിത്സയിലാണ്. ഇതുവരെ 39,42,361 പേർ രോഗമുക്തരായി.
രോഗബാധിതരുടെ എണ്ണത്തിൽ ഒന്നാം സ്ഥാനത്തുള്ള മഹാരാഷ്ട്രയിൽ ആകെ രോഗബാധിതരുടെ എണ്ണം 11 ലക്ഷത്തോടടുക്കുന്നു. ഇതുവരെ 10,97,856 പേർക്കാണ് രോഗം സ്ഥിരീകരിച്ചിട്ടുള്ളത്. ആന്ധ്രാപ്രദേശിൽ 5,83,925 പേർക്കും തമിഴ്നാട്ടിൽ 5,14,208 പേർക്കുമാണ് രോഗം. കർണാടകയിൽ ഇതുവരെ 4,75,265 കേസുകളും ഉത്തർപ്രദേശിൽ 3,24,036 കേസുകളും റിപ്പോർട്ട് ചെയ്തിട്ടുണ്ട്.
