ന്യൂഡല്ഹി: രാജ്യതലസ്ഥാനത്ത് ചൊവ്വാഴ്ച മരിച്ച പോലീസ് ഉദ്യോഗസ്ഥന് കോവിഡ് 19 സ്ഥിരീകരിച്ചു. അമിത് റാണയുടെ പരിശോധന ഫലമാണ് പോസിറ്റീവായത്. ഡല്ഹിയില് കോവിഡ് ബാധിച്ച് മരിക്കുന്ന ആദ്യ പോലീസ് ഉദ്യോഗസ്ഥനാണിത്.
31കാരനായ അമിത് റാണയ്ക്കു തിങ്കളാഴ്ച വൈകുന്നേരം വരെ കോവിഡ് ലക്ഷണങ്ങള് ഉണ്ടായിരുന്നില്ല. എന്നാല് രാത്രിയോടെ ഇദ്ദേഹത്തിന് കടുത്ത പനിയും ശ്വാസ സംബന്ധമായ ബുദ്ധിമുട്ടുകളും അനുഭവപ്പെട്ടു. ഉടന് തന്നെ അദ്ദേഹത്തെ സമീപത്തെ ദീപ് ചന്ദ് ബന്ദി ആശുപത്രിയില് എത്തിച്ചു. സ്ഥിതി മോശമായതോടെ രാം മനോഹര് ലോഹിയ ആശുപത്രിയില് എത്തിച്ചു. ചൊവ്വാഴ്ച വൈകുന്നേരം മരണം സംഭവിക്കുകയായിരുന്നു.
