റാന്നി: സാധാരണക്കാരെ ചേര്ത്തു നിര്ത്തിയാണ് ഇടതുസര്ക്കാര് മുന്നോട്ടു പോകുന്നതെന്ന് ഡെപ്യൂട്ടി സ്പീക്കര് ചിറ്റയം ഗോപകുമാര് പറഞ്ഞു. സി.പി.ഐ പ്രവര്ത്തന ഫണ്ട് ഏറ്റുവാങ്ങുന്ന ചടങ്ങില് സംസാരിക്കുകയായിരുന്നു അദ്ദേഹം. ഈ ഓണക്കാലത്ത് സാമൂഹ്യക്ഷേമ പെന്ഷനുകള് കൃത്യമായി വിതരണം ചെയ്തു. മറ്റു വിഭാഗം തൊഴിലാളികള്ക്ക് 1000 രൂപ വീതം നല്കി. വിപണിയില് ഇടപെടല് നടത്തി വിലക്കയറ്റം നിയന്ത്രിച്ചു. സപ്ലെകോയിലെ വിറ്റുവരവിലെ വര്ദ്ധനവ് കാണിക്കുന്നത് സാധാരണക്കാര് സര്ക്കാരിന്റെ ഇടപെടല് വിശ്വസിക്കുന്നുവെന്നാണെന്നും അദ്ദേഹം വ്യക്തമാക്കി.
ജില്ലാ കൗണ്സിലംഗം ലിസി ദിവാന് അധ്യക്ഷത വഹിച്ചു.മണ്ഡലം സെക്രട്ടറി അഡ്വ. കെ.ജി രതീഷ് കുമാര്, ജില്ലാ കൗണ്സിലംഗങ്ങളായ ടി.ജെ ബാബുരാജ്, ജോജോ കോവൂര്, സന്തോഷ് കെ.ചാണ്ടി, എം.വി പ്രസന്നകുമാര്, ലോക്കല് സെക്രട്ടറിമാരായ സജിമോന് കടയനിക്കാട്, ജോര്ജ് മാത്യു, സി സുരേഷ്, എം ശ്രീജിത്ത്, സി.ടി കുര്യാക്കോസ്, ടി.പി അനില് കുമാര്, പി.എസ് സതീഷ് കുമാര്, അനില് അത്തിക്കയം, കെ.കെ വിലാസിനി, പി അനീഷ് മോന് എന്നിവര് പ്രസംഗിച്ചു.
