പത്തനംതിട്ട : ശബരിമലയില് ശുചീകരണ പ്രവര്ത്തനം നടത്തുന്നവരെ എത്ര പ്രശംസിച്ചാലും മതിയാവില്ലെന്ന് ദേവസ്വം വകുപ്പ് മന്ത്രി കെ രാധാകൃഷ്ണന്. ശബരിമല സന്നിധാനം ഓഡിറ്റോറിയത്തില് നടന്ന ‘പുണ്യം പൂങ്കാവനം’ ദിനാചരണം ഉദ്ഘാടനം ചെയ്തു സംസാരിക്കുകയായിരുന്നു മന്ത്രി. അത്രയും മികച്ച പ്രവര്ത്തനമാണ് അവരുടേത്. ശബരിമല വൃത്തിയായി സൂക്ഷിക്കേണ്ടത് നമ്മുടെ ഓരോരുത്തരുടേയും ഉത്തരവാദിത്വമാണ്. ഓരോ വ്യക്തിയിലും ശുചിത്വ ബോധമുണ്ടാക്കുകയാണ് ‘പുണ്യം പൂങ്കാവനം’ ചെയ്യുന്നതെന്നും മന്ത്രി പറഞ്ഞു.
സന്നിധാനത്ത് ശുചീകരണ പ്രവര്ത്തനം നടത്തുന്ന വിശുദ്ധി സേനാംഗങ്ങള്, സാനിറ്റേഷന് സൊസൈറ്റി അംഗങ്ങള്, അയ്യപ്പസേവാസംഘം അംഗങ്ങള് എന്നിവരെയും എന് ഡിആര് എഫ് പ്രതിനിധികളെയും ചടങ്ങില് ആദരിച്ചു. ‘മാളികപ്പുറം’ സിനിമയിലെ താരങ്ങളായ ഉണ്ണി മുകുന്ദന്, ദേവനന്ദ, സംവിധായകന് വിഷ്ണു ശശിശങ്കര്, തിരക്കഥാകൃത്ത് അഭിലാഷ് പിള്ള, സംഗീത സംവിധായകന് രഞ്ജിന് രാജ് എന്നിവരെയും ആദരിച്ചു.
ശബരിമലയിലും പരിസരങ്ങളിലും മനുഷ്യനും ജന്തുജാലങ്ങള്ക്കും ഒരുപോലെ ഹാനികരമായ മാലിന്യ നിക്ഷേപം തടയുകയെന്ന ലക്ഷ്യത്തോടെ 2011 ല് ആരംഭിച്ചതാണ് ഈ പദ്ധതി. കേരള പോലീസിനൊപ്പം മറ്റ് സര്ക്കാര് വകുപ്പുകളും ചേര്ന്നാണ് ശുചീകരണ പ്രവര്ത്തനം നടത്തുന്നത്. എം എല് എ മാരായ അഡ്വ. പ്രമോദ് നാരായണന്, അഡ്വ. കെ യു ജനീഷ് കുമാര്, ദേവസ്വം സെക്രട്ടറി കെ ബിജു, തിരുവിതാംകൂര് ദേവസ്വം ബോര്ഡ് പ്രസിഡന്റ് അഡ്വ. കെ. അനന്തഗോപന്, ദേവസ്വം ബോര്ഡ് അംഗം അഡ്വ. എസ് എസ് ജീവന്, ദേവസ്വം ബോര്ഡ് കമ്മീഷണര് ബി എസ് പ്രകാശ്, റാന്നി പെരുനാട് ഗ്രാമപഞ്ചായത്ത് പ്രസിഡന്റ് പി എസ് മോഹനന്, ശബരിമല സ്പെഷല് കമ്മീഷണര് ജില്ലാ ജഡ്ജി എം മനോജ്, ശബരിമല എഡിഎം പി വിഷ്ണുരാജ്, പുണ്യം പൂങ്കാവനം സംസ്ഥാന നോഡല് ഓഫീസര് പി. വിജയന്, എഡിജിപി അജിത് കുമാര്, ശാന്താ ഷീലാ നായര് തുടങ്ങിയവര് പങ്കെടുത്തു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 0468 295 3033 / mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033
