പത്തനംതിട്ട : ഹൈക്കോടതി ഉത്തരവിനെ മറികടന്ന് ദേവസ്വം വിജിലന്സ് ഉദ്യോഗസ്ഥരെ ഒഴിവാക്കാന് ഡി.ജി.പി. ഉത്തരവിട്ടു. ശബരിമലയില് നടന്ന സ്വര്ണ്ണക്കൊള്ള മുതല് നെയ്യഭിഷേകത്തില് നടന്ന ക്രമക്കേട് വരെ പുറത്തുകൊണ്ടുവന്ന സംഘമാണ് ദേവസ്വം വിജിലന്സ് വിഭാഗം. ഒരു എസ്.പി. യും മൂന്ന് എസ്.ഐ മാരും മൂന്ന് സി.പി.ഓ മാരും അടങ്ങുന്നതാണ് ദേവസ്വം വിജിലന്സ് സംഘം. ദേവസ്വം വിജിലന്സ് എസ്.പി. സുനില് കുമാറിന്റെ നേതൃത്വത്തിലുള്ള സംഘത്തെയാണ് ഒഴിവാക്കാന് ഉത്തരവിറങ്ങിയത്. ഇവരെ മാറ്റണം എന്നുള്ള ആവശ്യം യു.ഡി.എഫ്. സര്ക്കാര് അധികാരത്തിലെത്തിയതിന് ശേഷം ഹൈക്കോടതിയുടെ മുന്നിലെത്തിയിരുന്നു.
എന്നാല് ഹൈക്കോടതി ഇതിന് സമ്മതിച്ചിരുന്നില്ല. ഹൈക്കോടതിയുടെ ഈ ഉത്തരവ് മറികടന്നുകൊണ്ടാണ് ഈ ഉദ്യോഗസ്ഥരെ മാറ്റുവാന് നീക്കം നടക്കുന്നത്. പുതിയ ഉദ്യോഗസ്ഥരുടെ പട്ടിക തയ്യാറാക്കി വിജിലന്സ് ക്ലീയറന്സിനായി ഡയറക്ടര്ക്ക് കൈമാറുകയും ചെയ്തിട്ടുണ്ട്. 2027 വരെ വിജിലന്സ് സംഘത്തിന്റെ കാലാവധി നിലനില്ക്കുമ്പോള് ഇത്തരത്തില് കോടതി ഉത്തരവ് മറികടന്നുകൊണ്ടുള്ള നീക്കം കോടതി അലക്ഷ്യമാണെന്നും നിയമ വിദഗ്ധര് ചൂണ്ടിക്കാട്ടുന്നു.
