തിരുവനന്തപുരം: തെരുവുനായ്ക്കളുടെ വിഷയത്തില് സര്ക്കുലറുമായി ഡി.ജി.പി അനില് കാന്ത്. തെരുവുനായ്ക്കളെ കൂട്ടത്തോടെ കൊല്ലാതിരിക്കാന് ബോധവല്കരണം നടത്തണമെന്നും നായ്ക്കളെ കൊല്ലുന്നത് തടവുശിക്ഷ ലഭിക്കുന്ന കുറ്റമാണെന്നും ഡി.ജി.പിയുടെ സര്ക്കുലറില് ചൂണ്ടിക്കാട്ടുന്നു. ജനജീവിതത്തിന് ഭീഷണിയാകുന്നതിനാല് നായ്ക്കളെ കൂട്ടത്തോടെ നാട്ടുകാര് കൊല്ലുന്നുണ്ട്. ഇത് ഒഴിവാക്കണം. ഓരോ എസ്.എച്ച്.ഒമാരും റസിഡന്സ് അസോസിയേഷനുമായി ചേര്ന്ന് ബോധവല്കരണം നടത്തണമെന്നും നിര്ദേശത്തില് പറയുന്നു. പൊതുജനം നിയമം കൈയ്യിലെടുക്കുന്ന സാഹചര്യം ഒഴിവാക്കണം. തെരുവുനായ്ക്കളെ കൊല്ലുന്നത് തടവും പിഴയും ലഭിക്കാവുന്ന കുറ്റമാണെന്നും ഡി.ജി.പി സര്ക്കുലറില് വ്യക്തമാക്കുന്നു.
