റാന്നി : മാർച്ച് 28 29 തീയതികളിലെ പൊതു പണിമുടക്ക് പ്രചാരണത്തിന്റെ ഭാഗമായി ആക്ഷൻ കൗൺസിൽ ഓഫ് സ്റ്റേറ്റ് എംപ്ലോയീസ് ആൻഡ് ടീച്ചേഴ്സ്, അധ്യാപക സർവീസ് സംഘടനാ സമരസമിതിയുടെ സംയുക്ത നേതൃത്വത്തിൽ റാന്നിയിലെ വിവിധ കേന്ദ്രങ്ങളിൽ സായാഹ്ന ധര്ണ്ണ നടത്തി. റാന്നി-പെരുമ്പുഴ, കീക്കൊഴൂർ, വടശ്ശേരിക്കര എന്നിവടങ്ങളിലാണ് ധര്ണ്ണ നടത്തിയത്. പെരുമ്പുഴയിൽ സമരസമിതി നേതാവ് ആര് മനോജ് കുമാര് ഉദ്ഘാടനം ചെയ്തു. ആക്ഷൻ കൗൺസിൽ നേതാവ് ദിപിൻദാസ് അധ്യക്ഷത വഹിച്ചു. ബിനു കെ സാം, ഷാജഹാൻ, കെ സജികുമാർ, അനീഷ് കുമാർ എന്നിവർ പ്രസംഗിച്ചു.
