കൊച്ചി: സിനിമ സെറ്റുകളിലെ ലഹരി ഉപയോഗം വ്യാപക ചര്ച്ചയാകുമ്പോള് പ്രതികരണവുമായി ധ്യാന് ശ്രീനിവാസന്. ഞെട്ടിക്കുന്ന വെളിപ്പെടുത്തല് നടത്തിയ നടന് ടിനി ടോമിന്റെ പ്രസ്താവന തള്ളി ധ്യാന് ശ്രീനിവാസന്. ലഹരി ആരും കുത്തിക്കയറ്റിത്തരില്ലെന്നും മകന് ബോധമുണ്ടെങ്കില് ഇതൊന്നും ഉപയോഗിക്കില്ലെന്നും ധ്യാന് പറഞ്ഞു.
‘ഒരുത്തന് നശിക്കണമെന്ന് തീരുമാനിച്ചാല് അവന് നശിക്കും. ലഹരി ഉപയോഗിക്കേണ്ട, അതൊരു മോശം കാര്യമാണെന്ന് മകന് ബോധമുണ്ടെങ്കില് അവന് ഉപയോഗിക്കില്ലല്ലോ. അല്ലാതെ ഈ പറഞ്ഞ സാധനങ്ങളൊന്നും ആരും വായ്ക്കകത്ത് കുത്തിക്കേറ്റി തരില്ല. ബോധം ഉള്ള ഒരുത്തനാണെങ്കില് അവന് ഉപയോഗിക്കില്ല, അത്രേ ഉള്ളൂ’, ധ്യാന് പറഞ്ഞു.തന്റെ മകന് സിനിമയില് അവസരം ലഭിച്ചെങ്കിലും ഭയം മൂലം അതു വേണ്ടെന്നുവച്ചെന്നും കേരള സര്വകലാശാല യുവജനോത്സവം ഉദ്ഘാടന വേദിയില് ടിനി ടോം പറഞ്ഞിരുന്നു.
