റാന്നി: പഴവങ്ങാടി വില്ലേജിലെ ഡിജിറ്റൽ റീസർവേ തുടങ്ങുന്നതിന് ഭാഗമായി പൊതു ജനങ്ങളുടെ സൗകര്യാർത്ഥം ഇ ട്ടിയപ്പാറ മിനർവ ജംഗ്ഷനിൽ എസ് സി മിഡിൽ സ്കൂളിന് സമീപത്തായി ക്യാമ്പ് ഓഫീസ് പ്രവർത്തനം ആരംഭിച്ചു. ഇന്ന് രാവിലെ റാന്നി പഴവങ്ങാടി ഗ്രാമപഞ്ചായത്ത് പ്രസിഡന്റ് അനിത അനിൽകുമാർ ഉദ്ഘാടനം നിർവഹിച്ചു.
റീസർവേ നമ്പർ ഒന്ന് സർവ്വേ സൂപ്രണ്ട് ചെറുപുഷ്പം അധ്യക്ഷത വഹിച്ചു. പത്തനംതിട്ട അസിസ്റ്റന്റ്ഡയറക്ടർ സിദ്ധ യാഗ പ്രസാദിൻ പ്രഭാമണി ഡിജിറ്റൽ സർവ്വേ സംബന്ധമായ കാര്യങ്ങൾ വിശദീകരിച്ചു. ഗ്രാമപഞ്ചായത്ത് വൈസ് പ്രസിഡന്റ് ജോൺ എബ്രഹാം, വാർഡ് മെമ്പർമാരായ ചാക്കോ വയനാട്ട്, ഷൈനി രാജീവ്, ബ്രില്ലി ബോബി എബ്രഹാം, ബിനിറ്റ് മാത്യു,അനീഷ് ഫിലിപ്പ്, ലീലാമ്മ കവണടത്ത് എന്നിവർ പ്രസംഗിച്ചു.
