തിരുവനന്തപുരം: സമൂഹത്തിൽ കറുപ്പിനോട് ഇപ്പോഴും വിവേചനം തുടരുകയാണെന്ന് കെ. രാധാകൃഷ്ണൻ എം.പി. നിറത്തിന്റെ പേരിൽ അപമാനിക്കപ്പെട്ടെന്ന് വ്യക്തമാക്കി ചീഫ് സെക്രട്ടറി ശാരദ മുരളീധരൻ രംഗത്തെത്തിയ സാഹചര്യത്തിലായിരുന്നു അദ്ദേഹത്തിന്റെ പ്രതികരണം. നിറവും ജാതിയുമെല്ലാം ഇപ്പോഴും സമൂഹത്തിൽ വലിയ ചർച്ചക്ക് വിധേയമാകുന്നു. ജാതി വ്യവസ്ഥയുടെ ദുരന്തം പേറുന്നവരാണ് ഭൂരിപക്ഷവും. അതോടൊപ്പം തന്നെയാണ് നിറത്തിന്റെ പേരിലും ആട്ടിയോടിക്കപ്പെടുന്ന സ്ഥിതിയുണ്ടാകുന്നത്.
നിറത്തിന്റെ പേരിൽ ലോകത്താകമാനം വിവേചനം ഉണ്ട്. ആധിപത്യം സ്ഥാപിച്ചവർ എപ്പോഴും അവരുടെ സംസ്കാരവും നിറവും ഭാഷയുമെല്ലാമാണ് മഹത്തരമെന്ന് നമ്മെ പഠിപ്പിച്ചു. അതുകൊണ്ടാണ് നമ്മൾ വെളുക്കാൻ ആഗ്രഹിക്കുന്നത്. കറുപ്പ് മോശമാണെന്ന് പറഞ്ഞത് ആധിപത്യം സ്ഥാപിച്ചവരാണെന്നും അദ്ദേഹം പറഞ്ഞു.
