ഭിവാനി : ഹോളി ആചാരത്തെ സംബന്ധിച്ച് രണ്ട് കുടുംബങ്ങള് തമ്മിലുണ്ടായ തര്ക്കത്തെ തുടർന്ന് രണ്ട് പേര് കൊല്ലപ്പെട്ടു. ഹരിയാനയിലാണ് ഹോളി ആചാരത്തെ സംബന്ധിച്ച് രണ്ട് കുടുംബങ്ങള് തമ്മിലുണ്ടായ തര്ക്കം കൊലപാതകത്തില് കലാശിച്ചത്. വാക്കേറ്റം കൈയാങ്കളിയിലെത്തിയതിനെ തുടര്ന്ന് രണ്ട് പേര് കൊല്ലപ്പെടുകയും ഏഴ് പേര്ക്ക് പരിക്കേല്ക്കുകയും ചെയ്തു. സുബാഷ്, മാന്വീര് എന്നിവരാണ് കൊല്ലപ്പെട്ടത്.
രണ്ട് സ്ത്രീകള് തമ്മിലാണ് ചില ആചാരങ്ങളെ സംബന്ധിച്ച് തര്ക്കം തുടങ്ങിയത്. ഇത് പിന്നീട് മറ്റുള്ളവരും ഏറ്റുപിടിക്കുകയായിരുന്നു. തുടര്ന്ന് ഇരുവിഭാഗവും വടിയും മൂര്ച്ഛയേറിയ ആയുധങ്ങളുമേന്തി പരസ്പരം ഏറ്റുമുട്ടുകയായിരുന്നു. സംഭവത്തില് പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.