റാന്നി: നാറാണംമൂഴിയിലെ യു.ഡി.എഫില് പടലപിണക്കവും പൊട്ടിത്തെറിയും. സീറ്റു തര്ക്കമാണ് പൊട്ടിത്തെറിയുടെ കാരണം. സീറ്റു നല്കാത്തതില് പ്രതിഷേധിച്ച് കേരള കോണ്ഗ്രസ് അംഗം സിബി എലിപ്പുലിക്കാട്ട് യുഡിഎഫ് റിബലായി മത്സര രംഗത്ത് ഉണ്ട്. പൊട്ടിത്തെറിയുടെ ഭാഗമായി യു.ഡി.എഫ് മണ്ഡലം ചെയര്മാന് സ്ഥാനം കേരള കോണ്ഗ്രസ് ജോസഫ് വിഭാഗം മണ്ഡലം പ്രസിഡന്റ് അലക്സ് അറയ്ക്കമണ്ണില് രാജി വെക്കുകയും ഉണ്ടായി. സീറ്റു വിഭജനത്തിലെ തര്ക്കമാണ് രാജിയുടെ പ്രധാന കാരണം.
യു.ഡി.എഫ് പഞ്ചായത്തു കമ്മിറ്റി ചേരുമ്പോള് മതിയായ പരിഗണന നല്കുന്നില്ലെന്നും പ്രസ്ഥാവനയില് പറയുന്നു. പതിനാലു സീറ്റിലും കോണ്ഗ്രസ് ഏകപക്ഷീയമായി സ്ഥാനാര്ത്ഥിയെ നിര്ത്തി. ഇതിന് ഘടകകക്ഷിയുമായി ചര്ച്ച ചെയ്തില്ല. എന്നാല് പാര്ലമെന്റ് തിരഞ്ഞെടുപ്പില് സഹകരിപ്പിക്കുകയും ചെയ്തു. ആവശ്യം വരുമ്പോള് ഉപയോഗിച്ച ശേഷം വലിച്ചെറിയുന്നതാണ് കോണ്ഗ്രസ് പതിവ്. ഇതില് പ്രതിഷേധിച്ചാണ് അലക്സ് രാജി വെച്ചത്. രാജി നിയോജകമണ്ഡലം ചെയര്മാന് രജീവ് താമരപ്പള്ളിക്കാണ് നല്കിയിരിക്കുന്നത്.
