പത്തനംതിട്ട : തുടര്ച്ചയായ മൂന്ന് ആഴ്ചകളില് പത്തനംതിട്ട ജില്ലയിലെ കോവിഡ് നിരക്ക് കുറഞ്ഞതായി ജില്ലാ മെഡിക്കല് ഓഫീസര് (ആരോഗ്യം) എല്.അനിതാ കുമാരി പറഞ്ഞു. ജില്ലാ ദുരന്ത നിവാരണ അതോറിറ്റിയുടെ കോവിഡ് അവലോകന ഓണ്ലൈന് യോഗത്തില് സംസാരിക്കുകയായിരുന്നു മെഡിക്കല് ഓഫീസര്. കോവിഡ് മൂലം മരണപ്പെട്ടവരുടെ ആശ്രിതര്ക്ക് നല്കുന്ന ധനസഹായം സംബന്ധിച്ച 2059 അപേക്ഷകള് തീര്പ്പാക്കിയെന്ന് ദുരന്ത നിവാരണ വിഭാഗം ഡെപ്യൂട്ടി കളക്ടര് റ്റി.ജി. ഗോപകുമാര് പറഞ്ഞു. എഡിഎം അലക്സ്. പി. തോമസ് അധ്യക്ഷനായ യോഗത്തില് ജില്ലയിലെ വിവിധ വകുപ്പ് ഉദ്യോഗസ്ഥരും പങ്കെടുത്തു.
