കൊച്ചി: അസ്വാഭാവികമായി പക്ഷിമൃഗാദികള് ചത്തൊടുങ്ങുന്ന സാഹചര്യം ശ്രദ്ധയില്പ്പെട്ടാല് അറിയിക്കണമെന്ന് ജില്ലാ വികസന കമ്മീഷണര് എം എസ് മാധവിക്കുട്ടി. ആലപ്പുഴ, കോട്ടയം ജില്ലകളില് പക്ഷിപ്പനി സ്ഥിരീകരിച്ച സാഹചര്യത്തില് ചേര്ന്ന യോഗത്തില് സംസാരിക്കുകയായിരുന്നു വികസന കമ്മീഷണര്. എറണാകുളം ജില്ലയില് ഇതുവരെ പക്ഷിപ്പനി റിപ്പോര്ട്ട് ചെയ്തിട്ടില്ലെങ്കിലും തൊട്ടടുത്ത ജില്ലകളില് സ്ഥിരീകരിച്ച സാഹചര്യത്തിലാണ് യോഗം ചേര്ന്നത്. പക്ഷിപ്പനി പ്രതിരോധ പ്രവര്ത്തനങ്ങളും മുന് കരുതലും സംബന്ധിച്ച മാര്ഗനിര്ദ്ദേശങ്ങള് ചര്ച്ച ചെയ്തു.
ആരോഗ്യവകുപ്പിലെ ഫീല്ഡ്തല പ്രവര്ത്തകര്ക്കും ആശാവര്ക്കര്മാര്ക്കും മെഡിക്കല് ഓഫീസര്മാര്ക്കും രോഗപ്രതിരോധ പ്രവര്ത്തനങ്ങള് സംബന്ധിച്ചുള്ള അവബോധം നല്കും. ഫീല്ഡ് തലത്തില് പക്ഷികളില് കാണുന്ന അസ്വാഭാവിക ലക്ഷണങ്ങള് റിപ്പോര്ട്ട് ചെയ്യുന്നതിനും അനുബന്ധ ഉപവകുപ്പുകള് ആയ മൃഗസംരക്ഷണ വകുപ്പിനെയും വനംവകുപ്പിനെയും അറിയിച്ച് പ്രതിരോധ പ്രവര്ത്തനങ്ങള് നടത്തണം. പ്രതിരോധ പ്രവര്ത്തനങ്ങള്ക്ക് ആവശ്യമായ മരുന്നിന്റെയും അനുബന്ധ സാധനങ്ങളുടെയും ലഭ്യത ഉറപ്പാക്കും. ഏതെങ്കിലും പ്രദേശത്ത് പനിയും ശ്വാസകോശ സംബന്ധമായ രോഗങ്ങളും അസ്വാഭാവിക മരണങ്ങളും റിപ്പോര്ട്ട് ചെയ്തിട്ടുണ്ടെങ്കില് പ്രത്യേക ശ്രദ്ധ ചെലുത്താനും ജില്ലാതലത്തിലേക്ക് അറിയിക്കാനും യോഗത്തില് നിര്ദ്ദേശിച്ചു.
പക്ഷിമൃഗാദികളെ കൈകാര്യം ചെയ്യുന്ന പ്രവര്ത്തകര്ക്ക് പ്രത്യേക മുന്കരുതല് നടപടികളായ പ്രതിരോധമരുന്ന്, വ്യക്തിഗത സുരക്ഷ മാര്ഗ്ഗങ്ങള് എന്നിവ ലഭ്യമാക്കും. വനം വകുപ്പിലെ മുഴുവന് ജീവനക്കാര്ക്കും പക്ഷിപ്പനിയെ കുറിച്ചുള്ള ബോധവല്ക്കരണവും ആവശ്യമായ പരിശീലനവും നല്കും. ദേശാടന പക്ഷികള് വരുന്ന സ്ഥലങ്ങളില് പ്രത്യേക ശ്രദ്ധ ചെലുത്തണം. പക്ഷികളുടെ വിസര്ജ്യം രോഗനിരീക്ഷണ പ്രവര്ത്തനങ്ങളുടെ ഭാഗമായി പരിശോധനയ്ക്ക് എടുക്കുന്ന പ്രക്രിയ തുടരാനും യോഗത്തില് തീരുമാനമായി. ജില്ലാ വികസന കമ്മീഷണറുടെ ചേമ്പറില് നടത്തിയ യോഗത്തില് ജില്ലാ മെഡിക്കല് ഓഫീസര് ഡോ. കെ കെ ആശ, ദേശീയ ആരോഗ്യ ദൗത്യം ജില്ലാ പ്രോഗ്രാം മാനേജര് ഡോ.സി.രോഹിണി, ഹോമിയോ, ആയുര്വേദം, മൃഗസംരക്ഷണ വകുപ്പ്, വനം വകുപ്പ് തദ്ദേശസ്വയംഭരണ വകുപ്പ് തുടങ്ങിയ സ്ഥാപനങ്ങളിലെ ഉദ്യോഗസ്ഥരും പങ്കെടുത്തു.
കേരളത്തിലെ ഒരു മുന്നിര ഓണ്ലൈന് വാര്ത്താ ചാനലാണ് പത്തനംതിട്ട മീഡിയാ. ജില്ലയിലെ പ്രാദേശിക വാര്ത്തകള്ക്ക് മുന്തൂക്കം നല്കിക്കൊണ്ടാണ് പത്തനംതിട്ട മീഡിയാ മുമ്പോട്ടു പോകുന്നത്. തികച്ചും സൌജന്യമായാണ് ഈ വാര്ത്തകള് നിങ്ങള്ക്ക് ലഭിക്കുന്നത്. രാവിലെ 4 മണി മുതല് രാത്രി 12 മണിവരെ തടസ്സമില്ലാതെ എല്ലാ വാര്ത്തകളും ഉടനടി നിങ്ങള്ക്ക് ലഭിക്കും. ഇന്ഫര്മേഷന് & പബ്ലിക് റിലേഷന്സ് ഡിപ്പാര്ട്ട്മെന്റിന്റെ (I&PRD) അംഗീകാരമുള്ള പത്തനംതിട്ട ജില്ലയിലെ ഏക ഓണ്ലൈന് ചാനലാണ് പത്തനംതിട്ട മീഡിയ. വ്യാജ വാര്ത്തകളോ കെട്ടിച്ചമച്ച വാര്ത്തകളോ പത്തനംതിട്ട മീഡിയയില് ഉണ്ടാകില്ല. അതോടൊപ്പം നിങ്ങളുടെ നാട്ടില് നടക്കുന്ന വാര്ത്താ പ്രാധാന്യമുള്ള വിഷയങ്ങള് ഞങ്ങള്ക്ക് നേരിട്ട് റിപ്പോര്ട്ട് ചെയ്യുകയുമാകാം.
———————-
വാര്ത്തകള് നല്കുവാന് വാട്സാപ്പ് 751045 3033/ 94473 66263
mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 0468 295 3033 /
mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033
