ഭരത്പൂർ : രാജസ്ഥാനില് ഡോക്ടര്മാരായ ദമ്പതികളെ പട്ടാപ്പകല് കാര് തടഞ്ഞുനിര്ത്തി വെടിവെച്ചു കൊന്നു. തിരക്കേറിയ റോഡില് വെള്ളിയാഴ്ച വൈകിട്ട് 4.45-നായിരുന്നു സംഭവം. ബൈക്കില് കാറിനെ മറികടന്നെത്തിയ രണ്ടുപേരാണ് ഇവർക്കെതിരെ വെടിയുതിർത്തത്. ഇതിന്റെ സിസിടിവി ദൃശ്യങ്ങള് പുറത്തുവന്നു.
ബൈക്ക് മുന്നില് കയറ്റി അക്രമികള് കാര് തടയുകയായിരുന്നു. പിന്നീട് ഇവര് കാറിനടുത്തേക്ക് എത്തി. വാഹനം ഓടിച്ചിരുന്ന ഭര്ത്താവ് വിന്ഡോ താഴ്ത്തിയപ്പോള് അക്രമികളില് ഒരാള് തോക്കെടുത്ത് ഇരുവരെയും വെടിവെയ്ക്കുകയായിരുന്നു. തുടര്ന്ന് അക്രമികള് ബൈക്കില് രക്ഷപെട്ടു.
പ്രതികാരമാണ് കൊലയ്ക്കു പിന്നിലെന്നു പോലീസ് പറഞ്ഞു. ഒരു യുവതിയുടെ കൊലപാതകക്കേസില് ഇവര് ആരോപണ വിധേയരായിരുന്നു. ദമ്പതിമാരില് ഭര്ത്താവുമായി ബന്ധമുണ്ടെന്നു സംശയിച്ചിരുന്ന യുവതി രണ്ടു വര്ഷം മുമ്പാണ് കൊല്ലപ്പെട്ടത്. ഡോക്ടറുടെ ഭാര്യയും അമ്മയും കേസില് കുറ്റാരോപിതരാണ്. കൊല്ലപ്പെട്ട യുവതിയുടെ സഹോദരനാണ് വെടിവെച്ചതെന്നു പിന്നീടു സ്ഥിരീകരിച്ചതായി പോലീസ് പറഞ്ഞു.
