കോട്ടയം: കൊട്ടാരക്കര താലൂക്ക് ആശുപത്രിയില് ഡ്യൂട്ടിക്കിടെ കുത്തേറ്റു മരിച്ച ഡോക്ടര് വന്ദനാ ദാസിന് കേരളത്തിന്റെ അന്ത്യാഞ്ജലി. വന്ദനയുടെ സംസ്കാര ചടങ്ങുകള് കോട്ടയം മുട്ടുചിറയിലെ വീട്ടില് പുരോഗമിക്കുന്നു. മുട്ടുചിറ പട്ടാളമുക്കിലെ വീട്ടിലേക്ക് എത്തിച്ച മൃതദേഹത്തില് ആയിരക്കണക്കിന് ആളുകളാണ് അന്ത്യാഞ്ജലി അര്പ്പിച്ചത്.
മന്ത്രി വി.എന്.വാസവന്, തോമസ് ചാഴിക്കാടന് എംപി, എംഎല്എമാരായ തിരുവഞ്ചൂര് രാധാകൃഷ്ണന്, മോന്സ് ജോസഫ് തുടങ്ങിയവര് സംസ്കാര ചടങ്ങുകളില് പങ്കെടുക്കുന്നുണ്ട്. കൊല്ലത്ത് ഡോ. വന്ദന ദാസ് പഠിച്ച അസീസിയ മെഡിക്കല് കോളജില് പൊതുദര്ശനത്തിനു വച്ച ശേഷം ഇന്നലെ രാത്രി എട്ടു മണിയോടെയാണ് മൃതദേഹം മുട്ടുചിറയിലെ വീട്ടിലേക്ക് എത്തിച്ചത്.
