കൊല്ലം: കൊട്ടാരക്കര താലൂക്ക് ആശുപത്രിയില്‍ വനിത ഡോക്ടര്‍ കൊല്ലപ്പെട്ട സംഭവത്തില്‍ പ്രതികരിച്ച് ഐഎംഎ. വീഴ്ച വരുത്തിയ പോലീസിന് എതിരെ നടപടി വേണം ഐഎംഎ ആവശ്യപ്പെട്ടു. കുടുംബത്തിന് ഒരുകോടി രൂപ നഷ്ടപരിഹാരം നല്‍കണം. അക്രമം നടന്നാല്‍ ഒരു മണിക്കൂറിനുള്ളില്‍ എഫ്‌ഐആര്‍ തയ്യാറാക്കുകയും ഒരു മാസത്തിനുള്ളില്‍ അന്വേഷണം പൂര്‍ത്തിയാക്കുകയും ചെയ്യണമെന്നും ഐഎംഎ ആവശ്യപ്പെട്ടു.
ഡോക്ടര്‍ വന്ദനയെ പ്രതി സന്ദീപ് കുത്തിക്കൊലപ്പെടുത്തിയ സംഭവത്തെ തുടര്‍ന്ന് ഡോക്ടര്‍മാരുടെ പണിമുടക്ക് നാളെയും തുടരും. ഒരു വര്‍ഷത്തിനുള്ളില്‍ ശിക്ഷാവിധിയും പൂര്‍ത്തിയാക്കണം. ആശുപത്രികളുടെ സംരക്ഷിത മേഖല ആക്കുക, പുതിയ നിയമം ഓര്‍ഡിനന്‍സ് ആയി കൊണ്ട് വരിക എന്നിവയും ആവശ്യപ്പെടും. ഇക്കാര്യങ്ങളെല്ലാം സമരത്തില്‍ ഉന്നയിക്കാനാണ് ഐഎംഎയുടെ തീരുമാനം.
