ന്യൂഡല്ഹി: കൊറോണ വൈറസിനെതിരെ പോരാടുമ്പോള് ഇന്ത്യയിലെ ആരോഗ്യമേഖലയില് ആരോഗ്യ സംരക്ഷണ ഉപകരണങ്ങളുടെ അഭാവം . അതിനാല്തന്നെ ഡോക്ടര്മാര് റെയിന്കോട്ടുകളും മോട്ടോര് ബൈക്ക് ഹെല്മെറ്റുകളും ഉപയോഗിക്കാന് നിര്ബന്ധിതരാകുന്നു, ഇത് പൊതുജനാരോഗ്യ സംവിധാനത്തിന്റെ ദുര്ബലമായ അവസ്ഥയെ തുറന്നുകാട്ടുന്നു. കീറിപ്പോയ റെയിന്കോട്ട് ധരിച്ച ഒരു ഡോക്ടര് 2020 മാര്ച്ച് 26 ന് കൊല്ക്കത്തയിലെ ആശുപത്രിയില് നില്ക്കുന്ന ചിത്രം കോറോണ വൈറസ് പടരുന്നതിന്റെ ആശങ്ക ചൂണ്ടി കാണിക്കുന്നു എന്നാല് ദക്ഷിണ കൊറിയയില് നിന്നും ചൈനയില് നിന്നും സംരക്ഷണ ഉപകരണങ്ങള് ലഭിക്കാന് ഇന്ത്യ ശ്രമിക്കുന്നതായി പ്രധാനമന്ത്രി നരേന്ദ്ര മോദി സര്ക്കാര് അറിയിച്ചിട്ടുണ്ട്.
അതേസമയം ഇന്ത്യയിലെ ഏറ്റവും ജനസംഖ്യയുള്ള സംസ്ഥാനമായ ഉത്തര് പ്രദേശില് 4,700 ആംബുലന്സുകളുടെ ഡ്രൈവര്മാര് ശരിയായ സുരക്ഷാ ഉപകരണങ്ങളും ആരോഗ്യ ഇന്ഷുറന്സും വേണമെന്നാവശ്യപ്പെട്ടു കൊണ്ട് ചൊവ്വാഴ്ച പണിമുടക്കി. കിഴക്കന് നഗരമായ കൊല്ക്കത്തയില് പ്രധാന കൊറോണ വൈറസ് ചികിത്സാ കേന്ദ്രത്തിലെ ജൂനിയര് ഡോക്ടര്മാര് കഴിഞ്ഞ ആഴ്ച രോഗികളെ പരിശോധിക്കാന് പ്ലാസ്റ്റിക് റെയിന്കോട്ട് ധരിച്ചു പോയതായി അവലോകനം ചെയ്ത ഫോട്ടോകളും പറയുന്നു. കൂടാതെ ഹെല്മെറ്റുകള് ഉപയോഗിച്ചതായി മറ്റുപല ഡോക്ടര്മാരും പറയുന്നു.’എല്ലാവരും ഭയപ്പെടുന്നു,’ ഡോക്ടര് പറഞ്ഞു. ‘സംരക്ഷണമില്ലാതെ പ്രവര്ത്തിക്കാന് ആരും ആഗ്രഹിക്കുന്നില്ല.’