റാന്നി : താലൂക്ക് ആശുപത്രിയില് 1.5 കോടി രൂപയുടെ ആശുപത്രി ഉപകരണങ്ങള് അനുവദിച്ചു. 90 ലക്ഷം രൂപയുടെ ഒക്സിജന് പ്ലാന്റ് ഉള്പ്പെടെ ഡോക്ടേഴ്സ് ഫോര് യു എന്ന സംഘടനയാണ് അനുവദിച്ചത്. അഡ്വ. പ്രമോദ് നാരായണ് എംഎല്എയുടെ അഭ്യര്ഥനയെ തുടര്ന്നാണിത്. നിലവില് 21 ലക്ഷം രൂപയുടെ ആശുപത്രി ഉപകരണങ്ങള് ഇവര് ലഭ്യമാക്കിയിട്ടുണ്ട്.
ഓക്സിജന് പ്ലാന്റ് സ്ഥാപിക്കുന്നതിനായി അഡ്വ. പ്രമോദ് നാരായണ് എംഎല്എ, ഉമാശങ്കര് ശര്മ്മ (ഗിവ് ഇന്ത്യ), അബ്ദുള്ള ആസാദ്- (ഡോക്ടര്സ് ഫോര് യു), ബ്ലോക്ക് പഞ്ചായത്ത് പ്രസിഡന്റ് കെ എസ് ഗോപി, എച്ച്എംസി അംഗങ്ങളായ ജേക്കബ് സ്റ്റീഫന്, പി ആര് പ്രസാദ് എന്നിവര് സ്ഥലം സന്ദര്ശിച്ച് അടിയന്തിരമായി പ്ലാന്റ് പ്രവര്ത്തനക്ഷമമാക്കാനുള്ള നിര്ദേശം നല്കി.
