ബി പി ഇപ്പോൾ എല്ലാ പ്രായക്കാരിലും ഉണ്ട്. പലരിലും ഇത് സ്ഥിരമായ ആരോഗ്യ ബുദ്ധിമുട്ട് ഉണ്ടാക്കുന്നു. രക്തസമ്മർദം ഉണ്ടെങ്കിൽ ഇക്കാര്യങ്ങൾ അറിയണം. സ്വയം ചികിൽസ പാടില്ല. ഒരാൾക്ക് ബിപി കുറയാൻ സാധരണ ബി.പിക്ക് ലഭിക്കുന്ന ഗുളികകൾ നൽകരുത്. ചിലപ്പോൾ ഒന്നിൽ കൂടുതൽ മരുന്നുകൾ ഒരാൾക്കുതന്നെ വേണ്ടിവരും. മരുന്നുകൾ പതിവായി ദിവസവും കഴിക്കണം. ചിലപ്പോൾ ജീവിതകാലം മുഴുവനും കഴിക്കേണ്ടി വരും. പനിക്കോ ചുമയ്ക്കോ കുറച്ചു നാൾ മരുന്നു കഴിച്ച് നിർത്തുന്നതുപോലെ ബിപിക്കുള്ള മരുന്ന് നിർത്താനാവില്ല. ഡോക്ടറുടെ നിർദ്ദേശം സ്വീകരിക്കുക. മരുന്നുകൾ നിർത്തിയാൽ ബിപി വളരെ വേഗതിൽ വീണ്ടും കൂടും. നിങ്ങൾക്ക് നിർദ്ദേശിച്ചിട്ടുള്ള മരുന്ന് 24 മണിക്കൂർ വരെയുള്ളതാവാം.
അതിന് ശേഷം അടുത്ത ഗുളിക കഴിക്കാതിരുന്നാൽ വീണ്ടും ബി.പി വേഗത്തിൽ ഉയരും. അങ്ങനെയുള്ളവർക്ക് അതിരാവിലെ ഹൃദയാഘാതം, സ്ട്രോക്ക് എന്നിവ ഉണ്ടാവാൻ സാധ്യത കൂടുകയും ചെയ്യുന്നു. ഉയർന്ന ബിപിക്ക് ഉപയോഗിക്കുന്ന പല മരുന്നുകൾക്കും പാർശ്വഫലങ്ങൾ ഉണ്ടാവാറുണ്ട്. നിങ്ങൾക്ക് മരുന്ന് കഴിക്കുമ്പോൾ മറ്റ് ബുദ്ധിമുട്ടുകളുണ്ടായാൽ ഡോക്ടറുടെ സഹായം തേടുക. കൃത്യസമയത്തു ഭക്ഷണം കഴിക്കുക എന്നത് മുഖ്യമാണ്. ജീവിത ശൈലി ക്രമീകരിക്കുക. ഉറങ്ങുന്നതിനും ഉണരുന്നത്തിനും കൃത്യ സമയം പാലിക്കുക. 7 -8 മണിക്കൂർ വരെ ഉറങ്ങുക. അമിതമായി സ്ട്രെസ് എടുക്കാതെയിരിക്കുക. ഇവയെല്ലാം നിർബന്ധമാണ്.
