കൊച്ചി: ഡോളര് കടത്ത് കേസുമായി ബന്ധപ്പെട്ട് യുഎഇ കോണ്സുലേറ്റിലെ ഡ്രൈവര്മാരെ കസ്റ്റംസ് ചോദ്യം ചെയ്യാനൊരുങ്ങുന്നു. കോണ്സല് ജനറലിന്റെയും അറ്റാഷേയുടെയും ഡ്രൈവര്മാരെയാണ് ചോദ്യം ചെയ്യലിനായി വിളിപ്പിച്ചിരിക്കുന്നത്. തിങ്കളാഴ്ച ഹാജരാകാനാണ് നോട്ടീസ് നല്കിയിരിക്കുന്നത്.
സ്വര്ണക്കടത്ത് കേസില് നേരത്തെ ഡ്രൈവര്മാരെ വിളിച്ചുവരുത്തി മൊഴി എടുത്തിരുന്നതാണ്. കോണ്സല് ജനറലിന്റെയും അറ്റാഷെയുടെയും ഔദ്യോഗിക വാഹനങ്ങളില് ഡോളര് വിമാനത്താവളത്തിലേക്ക് കൊണ്ടുപോയെന്നാണ് സ്വപ്ന സുരേഷിന്റെ മൊഴി . ഈ സാഹചര്യത്തിലാണ് ഇവരുടെ മൊഴിയെടുക്കുന്നത്.
