തിരുവനന്തപുരം : ഗാന്ധിഭവൻ സ്ഥാപകൻ ഡോ.പുനലൂർ സോമരാജന് വിദ്യാധിരാജ കർമ്മശ്രേഷ്ഠ പുരസ്കാരം ലഭിച്ചു. വിദ്യാധിരാജ വിശ്വകേന്ദ്രത്തിന്റെ 41 ആം വാർഷിക സമ്മേളനത്തിലാണ് പുരസ്കാരം സമ്മാനിച്ചത്. വിദ്യാധിരാജ ചട്ടമ്പിസ്വാമികള്ക്ക് തലസ്ഥാനത്ത് സ്മാരകം നിര്മ്മിക്കുവാന് സംസ്ഥാന സര്ക്കാര് അടിയന്തിര നടപടി സ്വീകരിക്കണമെന്നും സമ്മേളനം ആവശ്യപ്പെട്ടു. എൻ.എസ്.എസ് വൈസ് പ്രസിഡന്റ് എം.സംഗീത് കുമാർ സമ്മേളനം ഉദ്ഘാടനം ചെയ്തു. വിശ്വകേന്ദ്രം പ്രസിഡന്റ് ഡി.ചന്ദ്രസേനൻ നായർ അധ്യക്ഷത വഹിച്ചു. ശാന്തിഗിരി ആശ്രമം ജനറൽ സെക്രട്ടറി സ്വാമി ഗുരുരത്നം ജ്ഞാന തപസ്വി അനുഗ്രഹപ്രഭാഷണം നടത്തി.
പ്രശസ്ത സാഹിത്യകാരൻ ഡോ.ജോർജ്ജ് ഓണക്കൂർ മുഖ്യപ്രഭാഷണം നടത്തി. പന്മന ആശ്രമം ജനറൽ സെക്രട്ടറി പന്മന ഗിരീഷ്, എൻ.എസ്.എസ്.താലൂക്ക് യൂണിയൻ വൈസ് പ്രസിഡണ്ട് എം.കാർത്തികേയൻ നായർ, വിശ്വകേന്ദ്രം ജനറൽ സെക്രട്ടറി തളിയൽ എൻ.രാജശേഖരൻ പിള്ള, വൈസ് പ്രസിഡന്റ് എസ്.എസ്.മനോജ്, ജനറൽ കൺവീനർ ജി.എസ്. മഞ്ജു, ഡോ.കെ.സി.സി.നായർ, ഡോ.ഷാജി കുര്യാത്തി, വി.ഹരികുമാർ, പള്ളിച്ചൽ ഗോപൻ, അഡ്വ.പി.എസ്.ഹരികുമാർ, ഡോ.വിശാൽ.വി.എ., അഡ്വ.എൻ.കെ രാജേന്ദ്രൻ, വി.ഹരികൃഷ്ണൻ, എം.ജി.ശിവപ്രസാദ്, പി.ജി.മനോജ് കുമാര്, ആർ.വി.അനിൽ കുമാർ. തുടങ്ങിയവർ സംസാരിച്ചു.
