വെമ്പായം : കാല്വഴുതി കുളത്തില് വീണ് നാല് വയസുകാരന് മരിച്ചു. തേക്കട കുളക്കോട് മുനീറയുടെ മകന് ലാലിന് മുഹമ്മദാണ് (4) മരിച്ചത്. തേക്കട കുളത്തിന്കര പെരുമ്ബിലാംകോട് കുളക്കോട് അങ്കണവാടിക്ക് സമീപമായിരുന്നു അപകടം. വൈകീട്ട് മുനീറ പാല് വാങ്ങുന്നതിനായി കുട്ടിയെ 500 മീറ്റര് അകലെയുള്ള മറ്റൊരു വീട്ടിലേക്ക് വിട്ടു. ഏറെ സമയം കഴിഞ്ഞിട്ടും കുട്ടിയെ കാണാത്തതിനാല് മൂത്ത മകന് ലല്ലു അന്വേഷിച്ചു പോയി. റോഡിന് സമീപത്തെ കുളത്തിന്റെ കരയില് വാഴയുടെ ചുവട്ടില് പാല് ഇരിക്കുന്നത് കണ്ട് ലല്ലൂ കുളത്തിലേക്ക് നോക്കിയപ്പോള് മുഹമ്മദ് ലാലിന് കുളത്തില് കിടക്കുന്നത് കാണുകയായിരുന്നു.
ലല്ലൂ വിവരം അമ്മയെ അറിയിച്ചു. തുടര്ന്ന് സ്ഥലത്തെത്തിയ മുനീറയുടെ ബഹളം കേട്ടെത്തിയ നാട്ടുകാരാണ് കുട്ടിയെ കുളത്തില് നിന്നെടുത്തത്. കുട്ടിയെ 108 ആംബുലന്സില് കന്യാകുളങ്ങര ആശുപത്രിയിലെത്തിച്ച് പ്രഥമ ശുശ്രൂഷ നല്കിയശേഷം മെഡിക്കല് കോളേജ് ആശുപത്രിയിലേക്ക് കൊണ്ടു പോയെങ്കിലും ജീവന് രക്ഷിക്കാനായില്ല. പാല് വാങ്ങി വീട്ടിലേക്ക് പോകും വഴി മുഹമ്മദ് ലാലിന് കുളത്തിലേക്ക് എത്തി നോക്കിയപ്പോള് കാല് വഴുതി വീണതാകാമെന്ന് നാട്ടുകാര് പറയുന്നു.
