തൃശൂര്‍ : ഷോളയാര്‍ ഡാമില്‍ കുളിക്കാന്‍ പോയ അമ്മയും മകനും മുങ്ങി മരിച്ചു. ശിവയുടെ ഭാര്യ ശെല്‍വി (39) മകന്‍ സതീഷ് കുമാര്‍ (6) എന്നിവരാണ് മരിച്ചത്. ശെല്‍വി തുണി അലക്കികൊണ്ടിരിക്കുമ്പോള്‍ പുഴയില്‍ കുളിക്കാനിറങ്ങിയ മകന്‍ ഒഴുക്കില്‍ പെടുകയായിരുന്നു. കുട്ടിയെ രക്ഷിക്കാനുള്ള ശ്രമത്തിനിടെയാണ് ശെല്‍വി ഒഴുക്കില്‍പ്പെട്ടത്.
തുടര്‍ന്ന് ഇവരെ കാണാതെ പുഴയില്‍ വന്ന് ബന്ധുക്കള്‍ നോക്കിയപ്പോഴാണ് ഒഴുക്കില്‍ പെട്ട വിവരം അറിയുന്നത്. നാട്ടുകാര്‍ തിരച്ചില്‍ നടത്തി വെള്ളത്തില്‍ മുങ്ങിയ രണ്ട് പേരെയും പുറത്തെടുത്തെങ്കിലും മരിച്ചിരുന്നു. ഷോളയാര്‍ ഡാം പോലീസ് സംഭവസ്ഥലത്തെത്തി. മൃതദേഹങ്ങള്‍ പോലീസ് നടപടികള്‍ക്ക് ശേഷം പോസ്റ്റ് മോര്‍ട്ടം ചെയ്യാനായി ആശുപത്രിയിലേക്ക് മാറ്റി.
