പത്തനംതിട്ട : ലഹരി വിമുക്ത കേരളം പ്രചാരണത്തിന്റെ ഭാഗമായി സംസ്ഥാന യുവജനക്ഷേമ ബോര്ഡിന്റെ ആഭിമുഖ്യത്തില് നാളെ (23) രാവിലെ എട്ടിന് പത്തനംതിട്ട നഗരത്തില് കൂട്ടയോട്ടം സംഘടിപ്പിക്കും. ജില്ലാ പഞ്ചായത്ത് പ്രസിഡന്റ് അഡ്വ ഓമല്ലൂർ ശങ്കരൻ ഉദ്ഘാടനം ചെയ്യും. പത്തനംതിട്ട നഗരസഭ ചെയർമാൻ അഡ്വ ടി. സക്കീർ ഹുസൈൻ ഫ്ളാഗ് ഓഫ് ചെയ്യും.
പത്തനംതിട്ട സെന്റ് പീറ്റേഴ്സ് ജംഗ്ഷനില് നിന്ന് ഗാന്ധി സ്ക്വയര് വഴി ജില്ലാ സ്റ്റേഡിയം വരെ നടക്കുന്ന കൂട്ടയോട്ടത്തില് വിവിധ വകുപ്പ് പ്രതിനിധികള്, യൂത്ത് ക്ലബുകള്, അവളിടം ക്ലബുകള്, കാര്ഷിക ക്ലബുകള്, ടീം കേരള അംഗങ്ങള്, സ്കൂള്-കോളജ് വിദ്യാര്ഥികള് തുടങ്ങിയവര് പങ്കെടുക്കും.
