ദുബൈ : യുഎഇയില് പലയിടങ്ങളിലും പൊടിക്കാറ്റ്. സാഹചര്യം മോശമായതിന്നാല് വിമാനത്താവളത്തിൽ ഇറങ്ങേണ്ട ചില വിമാനങ്ങൾ വഴിതിരിച്ചുവിട്ടു. പത്തോളം വിമാനങ്ങളാണ് വഴിതിരിച്ചുവിട്ടത്. അൽ മക്തൂം എയർപോർട്ടിലേക്ക് ഉള്പ്പെടെയാണ് വിമാനങ്ങള് വഴിതിരിച്ചുവിട്ടത്.
കൊച്ചിയിൽ നിന്ന് ഷാർജയിലേക്ക് പോയ വിമാനം മസ്കറ്റിലേക്കും തിരുവനന്തപുരത്തുനിന്ന് ഷാർജയിലേക്ക് പോയ വിമാനം അബുദാബിയിലേക്കും വഴി തിരിച്ചുവിട്ടു. മോശം കാലാവസ്ഥ വിമാന സർവീസിനെ ബാധിച്ചതായി ഫ്ലൈ ദുബൈയും അറിയിച്ചു. ചില സര്വീസുകള് വൈകുകയോ റദ്ദാക്കുകയോ ചെയ്യുന്നതിനാല് ദുബൈയില് നിന്നുള്ള യാത്രക്കാര്, ഫ്ലൈറ്റ് സ്റ്റാറ്റസ് പരിശോധിക്കണമെന്നും ഫ്ലൈദുബൈ അറിയിച്ചു. ഷാര്ജ, അബുദാബി വിമാനത്താവളങ്ങളുടെ പ്രവര്ത്തനത്തെയും പൊടിക്കാറ്റ് സാരമായി ബാധിച്ചിട്ടുണ്ട്.
