റാന്നി : റാന്നിയിലെ കോവിഡ് ഫസ്റ്റ് ലൈൻ ട്രീറ്റ്മെന്റ് സെന്ററുകളിലേക്കുള്ള കട്ടിലുകളും മെത്തകളും പുതപ്പുകളും അടക്കം എല്ലാ അവശ്യ സാധനങ്ങളും ഡിവൈഎഫ് ഐ റാന്നി ബ്ലോക്ക് കമ്മിറ്റിയുടെ നേതൃത്വത്തിൽ നല്കുമെന്ന് ഭാരവാഹികള് പറഞ്ഞു. ‘കട്ടിൽ ചലഞ്ച് ‘ പരിപാടിയിലൂടെയാണ് ഇവ ശേഖരിക്കുന്നത്. കട്ടില് ചലഞ്ചിന്റെ ഉദ്ഘാടനം ഡി.വൈ.എഫ്.ഐ റാന്നി ബ്ലോക്ക് സെക്രട്ടറി എം ആർ വത്സകുമാറിന് കട്ടിൽ കൈമാറി റാന്നി എംഎൽ എ രാജു എബ്രഹാം നിര്വഹിച്ചു.
റാന്നിയിലെ എല്ലാ കോവിഡ് ഫസ്റ്റ് ലൈൻ ട്രീറ്റ്മെന്റ് സെന്ററുകളും ഡി.വൈ.എഫ്.ഐയുടെ വിവിധ മേഖലാ കമ്മിറ്റികളുടെ നേതൃത്വത്തിൽ മൂന്ന് ദിവസങ്ങൾക്കുള്ളിൽ സജ്ജമാക്കി സർക്കാരിന് കൈമാറാനാണ് പദ്ധതി. അതോടൊപ്പം സർക്കാരിന്റെ കോവിഡ് പ്രതിരോധ പ്രവർത്തനങ്ങൾക്ക് പിന്തുണ നൽകി റാന്നിയിൽ സന്നദ്ധ പ്രവർത്തകരെയും ഡിവൈ എഫ് ഐ തയ്യാറാക്കി. റാന്നി ബ്ലോക്ക് പ്രസിഡന്റ് ജിതിൻ രാജ്, ട്രഷറർ ലിബിൻ ലാൽ, വൈശാഖ് ഗോപിനാഥ്, റോബിൻ പി മനോജ് എന്നിവർ പരിപാടിയിൽ പങ്കെടുത്തു.