ചെങ്ങന്നൂര് : ഇന്ധന വിലവര്ദ്ധനവിലും, പാചക വാതക വില വര്ദ്ധനവിലും തൊഴിലില്ലായ്മയിലും കേന്ദ്ര സര്ക്കാരിന്റെ വാക്സിന് നയത്തിലും പ്രതിഷേധിച്ച് ഡിവൈഎഫ്ഐ ചെങ്ങന്നൂര് ബ്ലോക്ക് കമ്മറ്റിയുടെ നേതൃത്വത്തില് സെപ്റ്റംബര് 6 മുതൽ 10 വരെ നടത്തുന്ന “റിലേ സത്യാഗ്രഹം” കാരയ്ക്കാട് പോസ്റ്റ് ഓഫീസിന് സമീപം സി.പി.ഐ എം ആലപ്പുഴ ജില്ലാ സെക്രട്ടറിയേറ്റ് അംഗം എ.മഹീന്ദ്രന് ഉദ്ഘാടനം ചെയ്തു.
ബ്ലോക്ക് പ്രസിഡന്റ് അഭിജിത്ത് പ്രവീൺ അദ്ധ്യക്ഷത വഹിച്ച യോഗത്തില് ബ്ലോക്ക് സെക്രട്ടറി ജെബിന് പി വര്ഗീസ്, ജില്ലാ കമ്മിറ്റി അംഗങ്ങളായ റെനീഷ് രാജൻ, വിജേഷ്.വി, ബ്ലോക്ക് ജോ: സെക്രട്ടറി ശരത്ത് എസ് ദാസ്, ബ്ലോക്ക് വൈസ്സ് പ്രസിഡന്റ് ലിജോ ജോയി സി.പി.ഐ എം ലോക്കല് കമ്മിറ്റി സെക്രട്ടറി കെ.എസ്സ് ഗോപാലകൃഷ്ണ കുറിപ്പ് എന്നിവർ പ്രസംഗിച്ചു.