തിരുവനന്തപുരം : നാടിന്റെ പുരോഗതിയും വികസന നേട്ടങ്ങളും ജനങ്ങള് അനുഭവിച്ചറിയുകയാണെന്ന് റവന്യൂ വകുപ്പ് മന്ത്രി ഇ. ചന്ദ്രശേഖരന്. ദുരന്തങ്ങള് നേരിട്ടപ്പോള് മുഴുവന് ജനങ്ങളെയും ചേര്ത്തുപിടിക്കാന് സര്ക്കാരിന് സാധിച്ചുവെന്നും മന്ത്രി പറഞ്ഞു. തദ്ദേശ തെരഞ്ഞെടുപ്പ് മൂന്നാം ഘട്ടത്തില് വോട്ട് രേഖപ്പെടുത്തിയ ശേഷം മാധ്യമങ്ങളോട് പ്രതികരിക്കുകയായിരുന്നു മന്ത്രി .
കൊവിഡ് കാലത്ത് വലിപ്പച്ചെറുപ്പമില്ലാതെ മുഴുവന് ജനങ്ങള്ക്കും ഭക്ഷണം നല്കേണ്ട ഉത്തരവാദിത്വം സര്ക്കാര് ഏറ്റെടുത്തു. സൗജന്യ ചികിത്സ നടത്തുന്നു. സൗജന്യ കൊവിഡ് ചികിത്സ നടത്തുന്ന സംസ്ഥാനമെന്നത് ലോകം തന്നെ അംഗീകരിച്ചതാണ്. സര്ക്കാരിന്റെ ഈ പ്രവര്ത്തനങ്ങള് ജനങ്ങള് വിലയിരുത്തും. ആരോപണങ്ങള് ഉന്നയിക്കുന്നവര്ക്ക് അവ തെളിയിക്കാന് സാധിച്ചിട്ടില്ല. ജനങ്ങള് ഇത് മനസിലാക്കുമെന്നും മന്ത്രി പറഞ്ഞു .
