ന്യൂഡല്‍ഹി: ഡല്‍ഹിയില്‍ ഭൂചലനം. മൂന്ന് മിനിറ്റിനിടെ രണ്ട് തവണ ഭൂചലനം അനുഭവപ്പെട്ടു. റിക്ടര്‍ സ്‌കെയിലില്‍ 4.6 തീവ്രത രേഖപ്പെടുത്തിയ ഭൂചലനമാണ് രാജ്യതലസ്ഥാനത്ത് അനുഭവപ്പെട്ടത്. പാക്കിസ്ഥാനിലെ രാജന്‍പൂരാണ്‌ പ്രഭവകേന്ദ്രമെന്നാണ് റിപ്പോര്‍ട്ടുകള്‍.
വൈകുന്നരേം 5.44നും 5.47നും ഇടയില്‍ രണ്ട് തവണയാണ് ഡല്‍ഹി ഉള്‍പ്പെടെ ഉത്തരേന്ത്യന്‍ മേഖലയില്‍ ഭൂചലനം അനുഭവപ്പെട്ടത്. ആദ്യഭൂചലനം 9 സെക്കന്റോളം നീണ്ടുനിന്നു. വലിയ ശബ്ദത്തോട് കൂടിയ പ്രകമ്പനമാണ് അനുഭവപ്പെട്ടതെന്ന് നാട്ടുകാര്‍ പറയുന്നു.
