ന്യൂഡല്‍ഹി : നേപ്പാളിൽ റിക്‌ടർ സ്‌കെയിലിൽ 5.4 തീവ്രത രേഖപ്പെടുത്തിയ ഭൂചലനത്തിന്‍റെ ഫലമായി ശനിയാഴ്‌ച വൈകുന്നേരം ഡൽഹി-എൻസിആറിലും ശക്തമായ പ്രകമ്പനം അനുഭവപ്പെട്ടു. ശനിയാഴ്‌ച രാത്രി 7.57ഓടെയാണ് ഭൂചലനം അനുഭവപ്പെട്ടത്. നാഷണൽ സെന്റർ ഫോർ സീസ്മോളജിയുടെ കണക്കനുസരിച്ച് നേപ്പാളായിരുന്നു ഭൂചലനത്തിന്‍റെ പ്രഭവകേന്ദ്രം. ന്യൂ തെഹ്‌രി, പിത്തോരാഗഡ്, ബാഗേശ്വർ, പൗരി തുടങ്ങിയ നഗരങ്ങൾ ഉൾപ്പെടെ ഉത്തരാഖണ്ഡിന്‍റെ ചില ഭാഗങ്ങളിലും ഭൂചലനം അനുഭവപ്പെട്ടു.
