ഇൻസ്റ്റഗ്രാം വെറുമൊരു ഫോട്ടോ ഷെയറിങ് ആപ്പ് എന്ന നിലയിൽ നിന്നും ഷോർട്ട് വീഡിയോകളുടെ വലിയൊരു പ്ലാറ്റ്ഫോം ആയി മാറിക്കഴിഞ്ഞിരിക്കുന്നു. റീൽസ് കാണാനായി മാത്രം ഇൻസ്റ്റഗ്രാം ഓപ്പൺ ചെയ്യുന്ന നിരവധി ആളുകളുണ്ട്. ഇഷ്ടപ്പെട്ട റീൽസ് ഫോണിലേക്ക് ഡൌൺലോഡ് ചെയ്ത് വാട്സ്ആപ്പ് സ്റ്റാറ്റസ് ആക്കി ഇടാനോ മറ്റുള്ളവർക്ക് അയച്ചുകൊടുക്കാനോ താല്പര്യമുള്ള ആളുകളും ഉണ്ടായിരിക്കും. ഇതിനായി പല തേർഡ് പാർട്ടി ആപ്പുകളും ഇന്ന് ലഭ്യമാണ്. തേർഡ് പാർട്ടി ആപ്പുകളുടെ സഹായമില്ലാതെ തന്നെ ഇൻസ്റ്റഗ്രാം റീലുകൾ ഫോണിലേക്ക് ഡൌൺലോഡ് ചെയ്യുന്നത് എങ്ങനെ എന്നാണ് നമ്മളിന്ന് നോക്കുന്നത്.
റീൽസ് ഡൗൺലോഡ് ചെയ്യുന്നതെങ്ങനെ
1 ഇൻസ്റ്റാഗ്രാം തുറന്ന് നിങ്ങൾക്ക് ആവശ്യമുള്ള റീൽസ് തിരഞ്ഞെടുക്കുക
2 സ്ക്രീനിന്റെ ഇടതുവശത്തുള്ള ‘ഷെയർ’ ഐക്കണിൽ ടാപ്പുചെയ്യുക.
3 ഷെയർ മെനു ഓപ്പൺ ആയി വരും
4 മെനുവിന്റെ താഴേക്ക് സ്ക്രോൾ ചെയ്ത് ‘ആഡ് ടു സ്റ്റോറി’ എന്ന ഓപ്ഷൻ തിരഞ്ഞെടുക്കുക.
5 നിങ്ങളുടെ സ്റ്റോറിയുടെ ലേഔട്ടിന് അനുയോജ്യമായ രീതിയിൽ റീലുകൾ ക്രമീകരിക്കുക.
6 സ്ക്രീനിന്റെ മുകളിൽ വലത് വശത്തുള്ള ‘ത്രീ-ഡോട്ട്’ ബട്ടണിൽ ടാപ്പുചെയ്യുക.
7 ‘സേവ്’ ഓപ്ഷൻ തിരഞ്ഞെടുക്കുക.
8 ഓഡിയോയ്ക്കൊപ്പം തന്നെ നിങ്ങളുടെ റീൽസ് ഫോണിന്റെ സ്റ്റോറേജിൽ സേവ് ചെയ്തിട്ടുണ്ടാകും.
സേവ് ചെയ്ത റീൽസ് കാണാനായി ഫോട്ടോ ആപ്പ്, ഗാലറി ആപ്പ് എന്നിവയിൽ കയറി നോക്കുക
