തിരുവനന്തപുരം: സഹകരണമേഖലയിലെ ഇഡി ഇടപെടല് രാഷ്ട്രീയ ലക്ഷ്യം വച്ചെന്ന് മുഖ്യമന്ത്രി പിണറായി വിജയന്. സഹകരണ മേഖലയുടെ വളര്ച്ചയില് ചിലര്ക്ക് അസ്വസ്ഥതയുണ്ടെന്ന് മുഖ്യമന്ത്രി വ്യക്തമാക്കി.
സഹകരണ യൂണിയന്റെ സംസ്ഥാന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു മുഖ്യമന്ത്രി. സഹകരണ മേഖലയില് ചെറിയ തോതിലുള്ള അഴിമതി പ്രശ്നങ്ങളുണ്ട്. സഹകരണമേഖല വലിയ തോതില് കരുത്താര്ജിച്ച് വന്നപ്പോള് അങ്ങിങ്ങായി ചില ദുഷിച്ച പ്രവണതകള് ഉണ്ടാകുന്നത് ഗൗരവമായി കാണണം.
ഏതെങ്കിലുമൊരു സ്ഥാപനത്തിന് ദുഷിപ്പുണ്ടായാല് അത് ആ സ്ഥാപനത്തെ മാത്രമല്ല ബാധിക്കുക. കേരളത്തിലെ സഹകരണമേഖലയുടെ വിശ്വാസ്യതയെ അത് തകര്ക്കും. അത്തരം കാര്യങ്ങളോട് സര്ക്കാര് ഒരു വിട്ടുവീഴ്ചയും ചെയ്യില്ല. തെറ്റ് ചെയ്തവര്ക്കെതിരേ നടപടി എടുക്കുമെങ്കിലും സ്ഥാപനത്തെ സര്ക്കാര് സംരക്ഷിക്കും.
