കോല്ക്കത്ത: തൃണമൂല് കോണ്ഗ്രസ് നേതാവും ബംഗാള് മന്ത്രിയുമായ സുജിത് ബോസ് അടക്കമുള്ളവരുടെ വീട്ടില് ഇഡി റെയ്ഡ്. ആറോളം കേന്ദ്രങ്ങളിലാണ് ഇന്ന് പുലര്ച്ചെ മുതല് റെയ്ഡ് നടക്കുന്നത്. മുനിസിപ്പല് കോര്പറേഷന് നിയമനവുമായി ബന്ധപ്പെട്ട കേസിലാണ് പരിശോധന. നേരത്തേ ഇഡി ഉദ്യോഗസ്ഥര്ക്ക് നേരെ ആക്രമണം ഉണ്ടായ പശ്ചാത്തലത്തില് കേന്ദ്ര സേനയുടെ വന് സുരക്ഷാവലയത്തിലാണ് റെയ്ഡ് നടക്കുന്നത്.
അതേസമയം, നേരത്തേ ഷാജഹാന് ഷെയ്ക്കിന്റെ വീട്ടിലെ റെയ്ഡിനിടെ ഇഡി ഉദ്യോഗസ്ഥരെ ആള്ക്കൂട്ടം ആക്രമിച്ച സംഭവത്തില് ചീഫ് സെക്രട്ടറിയയെും ആഭ്യന്തര സെക്രട്ടറിയെയും ഗവര്ണര് സി.വി.ആനന്ദബോസ് വിളിച്ച് വരുത്തി വിശദീകരണം തേടി. ഉദ്യോഗസ്ഥരെ ആക്രമിച്ചതിന്റെ ഗൗരവസ്വഭാവം ഇരുവരെയും അറിയിച്ചെന്ന് ഗവര്ണര് പ്രതികരിക്കുകയും ചെയ്തു.
