ലഹരിവിരുദ്ധ പ്രവർത്തനങ്ങൾക്ക് വലിയ പിന്തുണ ലഭിക്കുന്നെന്ന് വിദ്യാഭ്യാസ മന്ത്രി വി. ശിവൻകുട്ടി

തിരുവനന്തപുരം : സംസ്ഥാന സർക്കാരിന്‍റെ ലഹരിവിരുദ്ധ പ്രവർത്തനങ്ങൾക്ക് വലിയ പിന്തുണ ലഭിക്കുന്നെന്ന് വിദ്യാഭ്യാസ മന്ത്രി വി. ശിവൻകുട്ടി. സംസ്ഥാനത്തെ മുഴുവൻ ജനങ്ങളും ആ ലഹരിവിരുദ്ധ പ്രവർത്തനങ്ങളുടെയും പ്രചരണങ്ങളുടെയും ഭാഗമായി പ്രത്യക്ഷമായോ പരോക്ഷമായോ പങ്കെടുക്കണമെന്ന് വിനീതമായി അഭ്യർത്ഥിക്കുകയാണെന്നും മന്ത്രി പറഞ്ഞു. സ്‌കൂളുകളിൽ നിന്ന് തന്നെയാണ് ലഹരിമുക്ത കേരളത്തിനായുള്ള പ്രയത്‌നം തുടങ്ങേണ്ടത്. പാഠ്യപദ്ധതികളിലും ഇതിനായുള്ള മാറ്റം കൊണ്ടുവരുമെന്നും അദ്ദേഹം പറഞ്ഞു.