ആലപ്പുഴ : കുട്ടനാട് താലൂക്കിലെ പ്രഫഷണല് കോളേജുകളും അങ്കണവാടികളും ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും മറ്റു താലൂക്കുകളില് ദുരിതാശ്വാസ ക്യാമ്പുകള് പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്കും ജില്ലാ കളക്ടര് വി.ആര്.കൃഷ്ണതേജ ഓഗസ്റ്റ് 8 ന് അവധി പ്രഖ്യാപിച്ചു.
അതേസമയം മഴയും മണ്ണിടിച്ചില് സാധ്യതയും നിലനില്ക്കുന്ന സാഹചര്യത്തില് ഇടുക്കി ജില്ലയിലെ മുഴുവന് ടൂറിസം കേന്ദ്രങ്ങളിലേക്കുമുള്ള വിനോദയാത്ര പൂര്ണ്ണമായും നിരോധിച്ചു. മൂന്നാറില് ഉരുള്പൊട്ടല് ഉണ്ടാകുന്ന സാഹചര്യം കൂടി പരിഗണിച്ചാണ് തീരുമാനം. നേരത്തെ അതിതീവ്രമഴയുടെ സാഹചര്യത്തില് ജില്ലയില് ടൂറിസ്റ്റുകള്ക്ക് നിരോധനം ഏര്പ്പെടുത്തിയിരുന്നുവെങ്കിലും ഒറ്റപ്പെട്ട രീതിയിലെങ്കിലും ആളുകള് മൂന്നാറിലേക്ക് എത്തിയിരുന്നു. ഈ സാഹചര്യത്തിലാണ് ഇടുക്കി ജില്ലാ കളക്ടറുടെ പുതിയ ഉത്തരവ്.
ബംഗാള് ഉള്ക്കടലില് ന്യുനമര്ദ്ദം ശക്തിപ്പെത്തതിനാല് കോട്ടയം, ഇടുക്കി, തൃശ്ശൂര്, പാലക്കാട്, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് ഇന്ന് യെല്ലോ അലര്ട്ട് ആണ്. നാളെ 9 ജില്ലകളില് യെല്ലോ അലര്ട്ട്. കോട്ടയം, ഇടുക്കി, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് നാളെ യെല്ലോ അലര്ട്ട്.
