അഹമ്മദാബാദ്: പ്രശസ്ത സ്ത്രീശാക്തീകരണ പ്രവര്ത്തകയും അഭിഭാഷകയുമായ ഇള ഭട്ട് (89) അന്തരിച്ചു. സെല്ഫ് എംപ്ലോയ്ഡ് വിമന്സ് അസോസിയേഷന് (സേവ) സ്ഥാപകയായിരുന്നു. അഹമ്മദാബാദിലെ ആശുപത്രിയില് ചികിത്സയിലായിരുന്നു. ഗാന്ധിയന് ചിന്തകളില് അടിയുറച്ച് വിശ്വസിച്ചിരുന്ന ഇള സബര്മതി ആശ്രം പ്രിസര്വേഷന് മെമ്മോറിയല് ട്രസ്റ്റിന്റെ ചെയര്പേഴ്സണായും പ്രവര്ത്തിച്ചിട്ടുണ്ട്. 1979ല് സ്ഥാപിതമായ വിമന്സ് വേള്ഡ് ബാങ്കിങ്ങിന്റെ (ഡബ്ല്യുഡബ്ല്യുബി) സഹസ്ഥാപകയുമായിരുന്നു. 1985-ല് പദ്മശ്രീയും 1986-ല് പദ്മഭൂഷണും നല്കി രാജ്യം ഇളയെ ആദരിച്ചു. തന്റെ നിസ്തുല സേവനത്തിന് ഇള ഭട്ട് 1977-ല് മഗ്സസെ അവാര്ഡിനും 2011-ല് ഗാന്ധി പീസ് പ്രൈസിനും അര്ഹയായി.
