തിരുവനന്തപുരം: കേരള കോണ്‍ഗ്രസ് സ്കറിയ തോമസ് വിഭാഗത്തിന് ലാപ്ടോപും പി.സി. ജോര്‍ജിന്‍റെ കേരള ജനപക്ഷ (സെക്കുലര്‍)ത്തിനു ആപ്പിള്‍ ചിഹ്നത്തിലും വോട്ടു തേടും. തദ്ദേശ തെരഞ്ഞെടുപ്പിനായി രജിസ്ട്രേഡ് പാര്‍ട്ടികള്‍ക്കു ചിഹ്നം അനുവദിച്ചു കൊണ്ടു സംസ്ഥാന തെരഞ്ഞെടുപ്പു കമ്മീഷന്‍ വിജ്ഞാപനമിറക്കി.
കോവൂര്‍ കുഞ്ഞുമോന്‍റ ആര്‍എസ്പി (ലെനിനിസ്റ്റ്- മാര്‍ക്സിസ്റ്റ്) ക്ക് മെഴുകുതിരിയും ആര്‍എസ്പി -ബി ക്ക് കത്തുന്ന ടോര്‍ച്ചും ആര്‍എംപിക്ക് ഫുട്ബോളും അഖില കേരള തൃണമൂല്‍ പാര്‍ട്ടിക്ക് ഓട്ടോറിക്ഷയും അനുവദിച്ചു. ദേശീയ പ്രജാ സോഷ്യലിസ്റ്റ് പാര്‍ട്ടിക്ക് കുടിലും ഭാരതീയ നാഷണല്‍ ജനതാദളിന് പട്ടവുമാണു ചിഹ്നം.
സെക്കുലര്‍ നാഷണല്‍ ദ്രാവിഡ പാര്‍ട്ടി (എസ്‌എന്‍ഡിപി) കുട ചൂടി വോട്ടു തേടും. സ്വരാജ് ഇന്ത്യാ പാര്‍ട്ടിക്ക് വിസിലാണു ചിഹ്നം.
