പത്തനംതിട്ട : ഇലക്ട്രിക്കൽ വയർമാൻ & സൂപ്പർവൈസെഴ്സ് അസോസിയേഷൻ ഓഫ് കേരള പത്തനംതിട്ട ജില്ലാ സമ്മേളനം ടൗൺ ഹാളിൽ ( സദാനന്ദ പൈ നഗറിൽ) വെച്ച് നടത്തി. യൂണിയൻ പ്രസിഡണ്ട് വി ആർ സുലോചനൻറെ അധ്യക്ഷതയിൽ സി ഐ റ്റി യൂ ജില്ലാ ജോയിന്റ് സെക്രട്ടറി കെ അനിൽ കുമാർ സമ്മേളനം ഉദ്ഘാടനം ചെയ്തു. കേന്ദ്ര സർക്കാരിൻറെ വൈദ്യുത മേഖല സ്വകാര്യവത്കരണം ഈ രംഗത്തെ തൊഴിലാളികളെയും വൈദ്യുത ഉപയോക്താക്കളേയും സാരമായി ബാധിക്കും. ഈ മേഖലയിലെ തൊഴിൽ സുരക്ഷിതത്വവും തൊഴിലാളികളെയും അവരുടെ കുടുംബങ്ങളെയും സംരക്ഷിക്കുന്നതിനാവശ്യമായ നടപടികൾ സർക്കാരിന്റെ ഭാഗത്തുനിന്നും ഉണ്ടാകണം. തൊഴിലാളികൾക്ക് ഇൻഷുറൻസ് സംഘടിത ശക്തി കൊണ്ടുമാത്രമേ നേടിയെടുക്കാൻ സാധിക്കുകയുള്ളൂവെന്നും ജില്ലയിൽ തൊഴിലാളികൾ സംഘടിത ശക്തിയായി മാറണമെന്നും അദ്ദേഹം സൂചിപ്പിച്ചു.
ജില്ലാ സെക്രട്ടറി എ രാജൻ റാവുത്തർ സ്വാഗതം പറഞ്ഞു. സംസ്ഥാന സെക്രട്ടറി വി കെ അരവിന്ദാക്ഷൻ സംഘടന റിപ്പോർട്ടും ജില്ലാ സെക്രട്ടറി എ രാജൻ റാവുത്തർ പ്രവർത്തനാ റിപ്പോർട്ടും അവതരിപ്പിച്ചു. സി ഐ റ്റി യൂ ജില്ലാ വൈസ് പ്രസിഡന്റ് സക്കിർ, സി പി ഐ (എം ) ഏരിയ സെക്രട്ടറി പി ആർ പ്രദീപ്, ഇ ഡബ്ലിയു ഇ എസ് എ സംസ്ഥാന ജോയിന്റ് സെക്രട്ടറി സുരേഷ്‌ കുമാർ, എന്നിവർ സംസാരിച്ചു. ഡെപ്യൂട്ടി ഇലക്ട്രിക്കൽ ഇൻസ്‌പെക്ടർ ജയരാജൻ എ വി പ്രവർത്തകർക്കു ക്ലാസ് എടുത്തു.
