അസം : പാറയിടുക്കില് കുടുങ്ങിയ കാട്ടാനക്കുട്ടിക്ക് പുതുജീവന് നല്കി വനംവകുപ്പും നാട്ടുകാരും. അസമിലെ മോറിയാഗോനിലാണ് സംഭവം. നാട്ടിലേക്കിറങ്ങിയ കാട്ടാനക്കൂട്ടത്തിനിടയില് നിന്നും ആനക്കുട്ടി എങ്ങനെയോ പാറക്കെട്ടിലകപ്പെടുകയായിരുന്നു.
ആനക്കൂട്ടം പാറക്കെട്ടിന് സമീപത്ത് തമ്പടിച്ചതോടെ ആളുകള്ക്ക് രക്ഷാപ്രവര്ത്തനം നടത്താന് സാധിക്കാത്ത സാഹചര്യമായിരുന്നു. രണ്ട് വലിയ പാറകള്ക്കിടയില് കുടുങ്ങിയ ആനക്കുട്ടിയെ കയര് കെട്ടിയാണ് പാറക്കെട്ടില് നിന്ന് വെളിയില് എത്തിച്ചത്. പരിക്കുകള് ഇല്ലാതെയാണ് പുറത്തെത്തിച്ചതെന്നാണ് വനംവകുപ്പ് വിശദമാക്കുന്നത്. ആനക്കുട്ടി വെളിയില് എത്തിയതോടെ ആനക്കൂട്ടം രക്ഷാപ്രവര്ത്തകര്ക്ക് നേരെ പാഞ്ഞടുത്തു. ഇതോടെ രക്ഷാപ്രവര്ത്തനത്തിന് എത്തിയവര് പലവഴി ജീവനുംകൊണ്ട് ഓടുകയായിരുന്നു. ഓട്ടത്തിനിടയില് ഒരാള്ക്ക് വീണ് പരിക്കേറ്റിട്ടുണ്ടെന്നാണ് റിപ്പോര്ട്ട്.