തിരുവനന്തപുരം : ലോകായുക്ത ഓര്ഡിനന്സ് അടക്കം 11 ഓര്ഡിനന്സുകള് അസാധുവായതുകൊണ്ട് സംസ്ഥാനത്ത് ഭരണ സ്തംഭനാവസ്ഥയില്ലെന്ന് എല് ഡി എഫ് കണ്വീനര് ഇ.പി ജയരാജന്. ഓര്ഡിനന്സുകളില് ഒപ്പിടാത്ത സമീപനം സ്വീകരിച്ച ഗവര്ണറോട് ഏറ്റുമുട്ടല് സമീപനം സര്ക്കാര് സ്വീകരിച്ചിട്ടില്ല. അസാധാരണ സാഹചര്യം സാധാരണ സാഹചര്യമായി തീരും. പ്രശ്നങ്ങള് ഉണ്ടെങ്കില് അത് പരിഹരിക്കും. ജനങ്ങള്ക്ക് വേണ്ടിയാണ് പ്രവര്ത്തിക്കുന്നതതെന്നും എല് ഡി എഫ് കണ്വീനര് ഇ.പി ജയരാജന് പറഞ്ഞു.
കോഴിക്കോട് മേയര് ബാലഗോകുലം പരിപാടിയില് പങ്കെടുത്തതിനെ കുറിച്ച് ജില്ലാ കമ്മറ്റി പരിശോധിക്കുമെന്ന് എല് ഡി എഫ് കണ്വീനര് ഇ.പി ജയരാജന് പറഞ്ഞു. സംസ്ഥാന പാര്ട്ടിയും ആവശ്യമായ നിര്ദേശവും ഇടപെടലും നടത്തുമെന്നും ഇ.പി ജയരാജന് പറഞ്ഞു. എ.കെ.ജി സെന്റര് ആക്രമണത്തെ കുറിച്ച് സമര്ഥരായ ഉദ്യോഗസ്ഥരെ വച്ച് സര്ക്കാര് അന്വേഷിക്കുകയാണ്.
കൊലപാതക കേസുകളിലെ പ്രതികളെ പോലും അതിവേഗം പിടിക്കുന്ന പോലീസ് സംവിധാനമാണ് ഇവിടെ ഉള്ളത്. എന്നാല് സമര്ഥരായ കുറ്റവാളികളാണ് എ കെ ജി സെന്റര് ആക്രമണത്തിന് പിന്നിലുള്ളത്. അതുകൊണ്ട് പിടികൂടാന് സമയം എടുത്തേക്കും. എ കെ ജി സെന്റര് ആക്രമണത്തെ കുറിച്ച് സ്ഥിരമായി ഇങ്ങനെ ചോദിച്ചാല് ചോദ്യത്തിന് നിലവാരമില്ലാതാകുമെന്നും എല് ഡി എഫ് കണ്വീനര് ഇ.പി ജയരാജന് പ്രതികരിച്ചു.
