കൊച്ചി : മുട്ടില്‍ മാതൃകയില്‍ എറണാകുളത്തും മരംകൊള്ള. നേര്യമംഗലം ഫോറസ്റ്റ് റേഞ്ചില്‍ മാത്രം മൂന്ന് കോടിയിലേറെ രൂപ വിലമതിക്കുന്ന മരങ്ങള്‍ മുറിച്ച്‌ കടത്തിയതായി റിപ്പോര്‍ട്ടുകള്‍. ഏലം റിസര്‍വില്‍ നിന്ന് കടത്തിയ തടി കട്ടപ്പനയില്‍ പിടികൂടി.
റവന്യൂ വകുപ്പിന്റെ കടുത്ത സമ്മര്‍ദ്ദം മൂലമാണ് മരം മുറിക്കാനുള്ള പാസ് നല്‍കിയതെന്നാണ് വനംവകുപ്പ് ഉദ്യോഗസ്ഥര്‍ പറയുന്നത്. കോടികള്‍ വിലമതിക്കുന്ന മരങ്ങളാണ് വിവാദ ഉത്തരവിന്റെ മറവില്‍ നേര്യമംഗലത്തുനിന്ന് മുറിച്ച്‌ കടത്തിയത്. മുറിച്ചുകടത്തിയ മരങ്ങളില്‍ കൂടുതലും തേക്ക് തടികളാണെന്നാണ് സൂചന. മൂന്നാര്‍ ഫോറസ്റ്റ് ഡിവിഷനിലുള്‍പ്പെട്ട നേര്യമംഗലം റേഞ്ചില്‍ അറുപതോളം പാസുകളാണ് അനുവദിച്ചത്. മേഖലകള്‍ തിരിച്ച്‌ വനം വകുപ്പ് കേസെടുത്തുവരികയാണ്.
