ഡല്ഹി : ദക്ഷിണാഫ്രിക്കയില് കണ്ടെത്തിയ ‘ഒമൈക്രോണ്’ എന്ന കൊറോണ വൈറസിന്റെ തീവ്രതയേറിയ വകഭേദം ഭീഷണി ഉയര്ത്തുമ്ബോള് മറുഭാഗത്ത് കോവിഡ് കേസുകള് കുതിച്ചുയരുന്നു.കോവിഡ് കേസുകള് വര്ധിച്ചതോടെ യൂറോപ്പില് രണ്ട് രാജ്യങ്ങളാണ് ലോക്ഡൗണ് പ്രഖ്യാപിച്ചത്. ആദ്യം ആസ്ട്രിയായാണ് രാജ്യം അടച്ചിട്ടത്. ഇപ്പോള് സ്ലൊവാക്യയും 14 ദിവസത്തേക്ക് അടച്ചിട്ടിരിക്കുകയാണ്.
കൂടാതെ രാജ്യത്ത് 90 ദിവസത്തെ അടിയന്തരാവസ്ഥയും പ്രഖ്യാപിച്ചിട്ടുണ്ട്. ലോകത്തില് തന്നെ ഏറ്റവും വേഗത്തില് കോവിഡ് കേസുകള് റിപ്പോര്ട്ട് ചെയ്യുന്ന രാജ്യമാണ് സ്ലൊവാക്യ. അവശ്യ സാധനങ്ങള് വില്ക്കുന്ന കടകള് ഒഴികെയെല്ലാം അടച്ചിട്ടിരിക്കുകയാണ്. അവശ്യ സാധനങ്ങള് വാങ്ങല്, ജോലിയുമായി ബന്ധപ്പെട്ട യാത്രകള്, വാക്സിനേഷന് എടുക്കല് എന്നിവക്ക് മാത്രമേ ആളുകള്ക്ക് പുറത്തിറങ്ങാന് അനുവാദമുള്ളൂ. അതെ സമയം സ്ലൊവാക്യയുടെ അയല് രാജ്യങ്ങളായ ചെക്ക് റിപ്പബ്ലിക്കിലും ഹംഗറിയിലും കഴിഞ്ഞ ദിവസങ്ങളില് കൂടുതല് കേസുകള് റിപ്പോര്ട്ട് ചെയ്യുകയാണ് .
