തിരുവനന്തപുരം:15 മാസത്തെ സ്പീക്കറെന്ന പ്രവര്ത്തനം വ്യക്തിപരമായി നല്ല അനുഭവമായിരുന്നുവെന്ന് എം.ബി രാജേഷ് . സ്പീക്കര് എന്ന നിലയില് പ്രതിപക്ഷത്തിന്റെ അവകാശങ്ങള് സംരക്ഷിക്കാന് കഴിഞ്ഞു. കേരളാ നിയമസഭ മറ്റെല്ലാ സഭകള്ക്കും മാതൃകയാണെന്നും എം. ബി രാജേഷ് പറഞ്ഞു .
ഇന്ന് രാവിലെ തലസ്ഥാനത്ത് തിരിച്ചെത്തിയ എം.ബി രാജേഷ് മുഖ്യമന്ത്രി പിണറായി വിജയനുമായി കൂടിക്കാഴ്ച നടത്തിയിരുന്നു. പിന്നീട് ഡെപ്യൂട്ടി സ്പീക്കര്ക്ക് എം ബി രാജേഷ് രാജി സമര്പ്പിച്ചു. തിങ്കളാഴ്ച ഗവര്ണര് എത്തിയ ശേഷം മന്ത്രിയായി ചൊവ്വാഴ്ച രാവിലെ സത്യപ്രതിജ്ഞ ചെയ്യുമെന്നാണ് സൂചന.
സിപിഐഎം സംസ്ഥാന സെക്രട്ടറിയായി ചുമതലയേറ്റെടുത്തതിന് പിന്നാലെ എം വി ഗോവിന്ദന് മാസ്റ്റര് മന്ത്രിസഭയില് നിന്ന് രാജിവെച്ചതിനെ തുടര്ന്നാണ് എം ബി രാജേഷ് മന്ത്രി സ്ഥാനത്തേക്ക് എത്തുന്നത്. വകുപ്പുകള് സംബന്ധിച്ച് തീരുമാനമായിട്ടില്ലെന്ന് എം ബി രാജേഷ് പറഞ്ഞു. സ്പീക്കറായി എ എന് ഷംസീറിനെ ചുമതലയേല്ക്കുന്നത് ഓണാവധിക്ക് ശേഷമാകും ഉണ്ടാകുക. സ്പീക്കര് തെരഞ്ഞെടുപ്പിനായി ഒരു ദിവസത്തെ പ്രത്യേക സഭ സമ്മേളനം ചേരുന്നതും സര്ക്കാര് പരിഗണനയിലുണ്ട്.
