തൃശൂര്‍ : മെയ് എട്ട് മുതല്‍ 16 വരെ സംസ്ഥാന വ്യാപകമായി സമ്പൂര്‍ണ ലോക്ക് ഡൗണ്‍ പ്രഖ്യാപിച്ച സാഹചര്യത്തില്‍ കേരള ആരോഗ്യ ശാസ്ത്ര സര്‍വകലാശാല നടത്താനിരുന്ന എല്ലാ പരീക്ഷകളും മാറ്റിവെച്ചു.
മെയ് ഏഴ് മുതല്‍ 18 വരെ നടത്താനിരുന്ന എല്ലാ തിയറി/ പ്രാക്ടിക്കല്‍ പരീക്ഷകളുമാണ് മാറ്റിവെച്ചിരിക്കുന്നത്. മെയ് 19 മുതല്‍ പരീക്ഷകള്‍ പുനരാരംഭിക്കുമെന്നും പുതുക്കിയ ടൈംടേബിള്‍ സര്‍വകലാശാല വെബ്‌സൈറ്റില്‍ പ്രസിദ്ധീകരിക്കുമെന്നും പരീക്ഷാ കണ്‍ട്രോളര്‍ അറിയിച്ചു.
