ആലപ്പുഴ : മാവേലിക്കരയില്‍ പച്ചക്കറിക്കടയുടെ മറവില്‍ ഹാന്‍സ് വില്‍പ്പന. സംഭവത്തില്‍ അപ്പൂസ് സ്റ്റോഴ്‌സ് ഉടമ വെട്ടിയാര്‍ സ്വദേശി സദാശിവനെ എക്‌സൈസ് അറസ്റ്റ് ചെയ്തു.
കടയില്‍ പച്ചക്കറി സൂക്ഷിക്കുന്ന തറയില്‍ രഹസ്യ അറ ഉണ്ടാക്കിയാണ് ഹാന്‍സ് സൂക്ഷിച്ചിരുന്നത്. ഇയാള്‍ അനധികൃതമായി ഹാന്‍സ് വില്‍ക്കുന്നതായി എക്‌സൈസ് സംഘത്തിന് രഹസ്യ വിവരം ലഭിച്ചിരുന്നു. ഇതിന്റെ അടിസ്ഥാനത്തിലാണ് പരിശോധന നടത്തിയത്.
60 ഓളം കവര്‍ ഹാന്‍സ് ആണ് ഇയാളുടെ പക്കല്‍ നിന്നും പിടിച്ചെടുത്തത്. പച്ചക്കറിയ്‌ക്കൊപ്പം രഹസ്യമായി തമിഴ്‌നാട്ടില്‍ നിന്നുമാണ് ഹാന്‍സ് എത്തിക്കുന്നത്. 15 രൂപ വിലയുള്ള ഹാന്‍സ് സദാശിവന്‍ നൂറ് രൂപയ്ക്കാണ് വിറ്റിരുന്നതെന്നും എക്‌സൈസ് പറഞ്ഞു .
