ചെങ്ങന്നൂര് : കഴിഞ്ഞ ദിവസം പുലര്ച്ചെ ഒരു മണിയോടെ ചെങ്ങന്നൂര് എക്സൈസ് സര്ക്കിള് ഓഫിസിലെ എക്സൈസ് ഇന്സ്പെക്ടര് ജി.ഫെമിന്, സിവില് എക്സൈസ് ഓഫിസര്മാരായ പി.ആര് ബിനോയി, പി.സജികുമാര് എന്നിവര് സ്ട്രൈക്കിങ് ഫോഴ്സ് ഡ്യൂട്ടിയിലാണ്. ഇവര് സഞ്ചരിച്ച വാഹനം മംഗലം – കുറ്റിക്കാട്ടുപടി ജംക്ഷനില് നിന്നു കല്ലിശ്ശേരിക്ക് പോകുന്ന വഴിയിലെത്തിയപ്പോള് റോഡരികിലെ വീട്ടില് നിലവിളി ശബ്ദം കേട്ടു വാഹനം നിര്ത്തി.
വീട്ടിലേക്ക് കയറി കാര്യം അന്വേഷിച്ചപ്പോഴാണ് അബോധാവസ്ഥയിലായ മൂന്നു വയസ്സുകാരി അമ്മയുടെ കയ്യിലിരിക്കുന്നത് കണ്ടത്. ഈ സമയത്ത് ആശുപത്രിയില് എത്തിക്കാന് വാഹനം കിട്ടാതെ വിഷമിക്കുകയായിരുന്നു അവര്. ഒട്ടും വൈകിയില്ല, പ്രഥമശുശ്രൂഷ നല്കി കുഞ്ഞുമായി എക്സൈസ് ഉദ്യോഗസ്ഥര് കല്ലിശ്ശേരിയിലെ ആശുപത്രിയിലേക്കു പാഞ്ഞു. വിദഗ്ധ ചികിത്സയില് കുഞ്ഞ് ജീവിതത്തിലേക്കു തിരികെയെത്തിയ സന്തോഷത്തിലാണ് എക്സൈസ് സംഘം.
