ലഖ്നോ: വീടിനുള്ളിലുണ്ടായ സ്ഫോടനത്തില് നാല് പേര് കൊല്ലപ്പെട്ടു. ഉത്തര്പ്രദേശിലെ ബുലന്ദ്ശഹറില് കൃഷിയിടത്തിന് നടുവിലുള്ള വീട്ടില് വെള്ളിയാഴ്ചയാണ് സ്ഫോടനമുണ്ടായത്. ഗ്യാസ് സിലിണ്ടറാണ് സ്ഫോടനത്തിന് കാരണമെന്നാണ് സൂചനയെന്ന് പോലീസ് അറിയിച്ചു. പ്രദേശത്ത് പൊലീസും ഫയര്ഫോഴ്സും ഇപ്പോഴും രക്ഷാപ്രവര്ത്തനം തുടരുകയാണ്. ഇതുവരെ നാല് മൃതദേഹങ്ങള് കണ്ടെടുത്തുവെന്ന് പോലീസ് അറിയിച്ചു. അഭിഷേക്(20), റായിസ്(40), അഹദ്(5), വിനോദ് എന്നിവരുടെ മൃതദേഹങ്ങളാണ് കണ്ടെത്തിയത്.
സിലിണ്ടര് പൊട്ടിതെറിച്ച് വീടുതകര്ന്നുവെന്ന ഫോണ്കോള് വെള്ളിയാഴ്ച ഉച്ചക്ക് ശേഷമാണ് പോലീസിന് ലഭിക്കുന്നത്. കോട്വാലി നഗര് ഏരിയില് നിന്നാണ് ഫോണ്കോള് ലഭിച്ചതെന്നും പോലീസ് വ്യക്തമാക്കി. തകര്ന്ന വീട്ടില് നിന്നും ചില സിലിണ്ടറുകള് കണ്ടെത്തിയിട്ടുണ്ട്. ഫോറന്സിക് ടീമും സംഭവസ്ഥലത്ത് എത്തിയിട്ടുണ്ട്.
