ന്യൂഡല്ഹി : ആയുധ ഫാക്ടറികളിലെ സമരം എങ്ങനെ ന്യായീകരിക്കാൻ കഴിയുമെന്ന് ദില്ലി ഹൈക്കോടതി. സമരം ചെയ്യുന്നത് മൗലിക അവകാശമല്ല. രാജ്യം യുദ്ധത്തിലായിരിക്കുമ്പോൾ ആയുധ ഫാക്ടറിക്കാർ സമരം ചെയ്താല് എന്താവും ഫലം. ആയുധ ഫാക്ടറികളിലെ സമരം നിരോധിച്ച കേന്ദ്ര നിയമത്തിനെതിരായ ഹർജി പരിഗണിക്കുമ്പോഴാണ് പരാമർശം.
പാർലമെന്റ് ആലോചന നടത്തിയാണ് നിയമം പാസാക്കിയതെന്നും ഹൈക്കോടതി പരാമർശം. ആയുധ ഫാക്ടറി യൂണിയനാണ് ഹൈക്കോടതിയിൽ ഹർജി നല്കിയത്. ഹർജിയിൽ കേന്ദ്ര സർക്കാരിന്റെ പ്രതികരണം ആരാഞ്ഞ് കോടതി നോട്ടീസ് അയച്ചു.