ഗുവാഹത്തി : വ്യാജ ആധാറുമായി 4 ബംഗ്ലാദേശി പെണ്കുട്ടികള് പിടിയില്. ഗുവാഹത്തിയിലെ കാമാഖ്യ റെയില്വേ ജംക്ഷനിലാണ് കുട്ടികളെ കണ്ടെത്തിയത്. ഇവരില് നിന്ന് നാല് വ്യാജ ആധാര് കാര്ഡുകള് പിടിച്ചെടുത്തു. ഇന്ത്യയില് ജോലി നല്കാമെന്ന് പറഞ്ഞ് മനുഷ്യക്കടത്തു സംഘമാണ് ഇവരെ എത്തിച്ചതെന്ന സംശയത്തിലാണ് പോലീസ്.
ചോദ്യം ചെയ്യലില് തങ്ങള് ബംഗ്ലാദേശില് നിന്നുള്ളവരാണെന്ന് കുട്ടികള് വെളിപ്പെടുത്തി. ജോലി നല്കാമെന്ന് പറഞ്ഞാണ് തങ്ങളെ എത്തിച്ചത്. വ്യാജ ആധാര് കാര്ഡുകളും ഏല്പ്പിച്ചു. അടുത്ത ലക്ഷ്യം ഡല്ഹിയാണെന്നും ഇവര് കൂട്ടിച്ചേര്ത്തു. പോലീസ് രക്ഷപ്പെടുത്തിയവര് എല്ലാവരും പ്രായപൂര്ത്തിയാകാത്ത പെണ്കുട്ടികളാണ്. സംഭവത്തില് കൂടുതല് അന്വേഷണം നടന്നുവരികയാണ്.
